თეიმურაზ აბულაძე

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1968 წელს.

1968–1970წწ. იყო ლანჩხუთის რაისაავადმყოფოს ქირურგი ორდინატორი; 1970–1973წწ. თბილისის ექიმთა დახელოვნების ინსტიტუტის და მოსკოვის ცენტრალურ ექიმთა დახელოვნების ინსტიტუტის ასპირანტი; 1973–1979წწ. თბილისის ექიმთა დახელოვნების ინსტიტუტის აბდომინალური კათედრის უფროსი ლაბორანტი, ასისტენტი; 1980–1994წწ. პროქტოლოგიის კათედრის დოცენტი; 1994 წლიდან – პროფესორი, 1995 წლიდან – პროქტოლოგიის კათედრის გამგე, 1997 წლიდან – პროქტოლოგიის კლინიკის ხელმძღვანელი. ავტორია 68 სამეცნიერო ნაშრომის კოლორექტული ქირურგიის საკითხებზე. გამოქვეყნებული აქვს მონოგრაფია "მსხვილი ნაწლავის დივერტიკულური დაავადება"(1986). არის ქირურგი, პროქტოლოგი, მედიცინის მეცნიერებათა დოქტორი, მე–4 კლინიკური საავადმყოფოს პროფტოლოგიური კლინიკის ხელმძღვანელი, პროფესორი.

საკანდიდატო დისერტაციის თემა - "მსხვილი ნაწლავის დივერტიკულოზი და მისი გართულებები", დაიცვა 1979 წელს.

სადოქტორო დისერტაციის თემა - "აუტოტრანსპლანტანტებისა და ექსპლანტატების გამოყენება ქრონიკული პარაპროქტიის დროს", დაიცვა 1992 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ., 2000.-გვ.10