მიხეილ გიგინეიშვილი

დაბადების ადგილი: ქ. თბილისი.

დაამთავრა მოსკოვის პირველი სამედიცინო ინსტიტუტი 1962 წელს.

1963–1969წწ. მუშაობდა თბილისში კლინიკური და ექსპერიმენტული კარდიოლოგიის ინსტიტუტში; 1970–1983წწ. ექიმთა დახელოვნების თბილისის ინსტიტუტის მეანობა-გინეკოლოგიის I კათედრაზე; 1983 წლიდან განაგებდა თბილისის სახელმწიფო სამედიცინო ინსტიტუტის სამკურნალო ფაკულტეტის მეანობა-გინეკოლოგიის კათედრას. შეისწავლიდა საშვილოსნოს კუმშვადობის ფიზიოლოგიასა და პათოლოგიას, სამეანო და გინეკოლოგიურ სისხლდენას, სასქესო ორგანოებისა და სარძევე ჯირკვლების ჰიპერპლაზიურ პროცესებს, სიმსივნურ წარმონაქმნებზე ჰორმონების გავლენას და სხვა. ავტორია 90 სამეცნიერო ნაშრომისა, აქედან 3 სახელმძღვანელოა, 5 მონოგრაფია, 1 გამოგონება და 1 რაციონალიზატორული წინადადება. პროფესორ მიხეილ გიგინეიშვილის შვილი. მეან-გინეკოლოგი, მედიცინის მეცნიერებათა დოქტორი (1980), პროფესორი (1981). 

წყარო: საქართველო: ენციკლოპედია: ტ.1.–თბ., 1997.–გვ.615; საქართველოს სამედიცინო კალენდარი: ნაწ.I : 2 ნაწილად / ჯუმბერ ქორჩილავა.-თბ.,2010.-გვ.585

• 1989 - სახელმწიფო პრემია (მიხეილ სამსონის-ძე გიგინეიშვილთან (მამა) ერთად)
  გინეკოლოგია : სახელმძღვ. სამედ. ინ-ტის სტუდ./მიხეილ ს. გიგინეიშვილი, მიხეილ გიგინეიშვილი.- თბილისი: განათლება, 1987.- 526გვ.
• 1989 - სახელმწიფო პრემია (მიხეილ სამსონის-ძე გიგინეიშვილთან (მამა) ერთად)
  მეანობა : სახელმძღვ. სამედ. ინ-ტის სტუდენტთათვის/მიხეილ ს. გიგინეიშვილი, მიხეილ გიგინეიშვილი .- თბილისი: განათლება.- 1983.-555გვ.

• ბუშტნამქერის დიაგნოსტიკისა და მკურნალობის თანამედროვე მეთოდები (თანაავტორი). - თბილისი, განათლება, 1992. - 84გვ.
• მეანობა : სახელმძღვ. სამედ. ინ-ტის სტუდენტთათვის (თანაავტორი). - თბილისი, განათლება, 1983. - 555გვ.