კოხტა ჯაფარიძე

დაბადების ადგილი: ქ. ონი.

დაამთავრა თბილისის სახელმწიფო უნივერსიტეტის ქიმიის ფაკულტეტი 1952 წელს.

მუშაობდა თბილისის სახელმწიფო უნივერსიტეტში ასისტენტად, დოცენტად, პროფესორად და წლების მანძილზე კითხულობდა სხვადასხვა სალექციო კურსს; 1961 წლიდან მოღვაწეობდა საქართველოს მეცნიერებათა აკადემიის კიბერნეტიკის ინსტიტუტში განყოფილების გამგედ, სამეცნიერო დარგში დირექტორის მოადგილედ, ქიმიურ-ოპტიკურ კვლევათა ლაბორატორიის მთავარ მეცნიერ-თანამშრომლად. მკვლევრის მეცნიერული შემოქმედება ასახულია 100-ზე მეტ სტატიაში, ერთ მონოგრაფიასა და 15 საავტორო მოწმობაში; დიდი წვლილი შეიტანა საქართველოში ფიზიკური თუ ორგანული ქიმიის განვითარების საქმეში, განსაკუთრებით ოპტიკურ-ქიმიური კვლევების სფეროში, იმ ახალ მიმართულებებშიც, წარმატებით რომ ვითარდება კიბერნეტიკის ინსტიტუტში; საქართველოში პირველმა დაიწყო ორგანულ ნაერთთა ფოტოქიმიური კვლევა, შექცევადი ფოტოქიმიური პროცესების შესწავლა. ქიმიურ მეცნიერებათა კანდიდატი (1956), ქიმიის მეცნიერებათა დოქტორი (1973).

• საქართველოს მეცნიერებათა აკადემია, აკადემიკოსი (1993-2013)

• 1999 - ღირსების ორდენი
  ქართული მეცნიერების განვითარებაში შეტანილი პირადი დიდი წვლილისათვის, ნაყოფიერი სამეცნიერო, პედაგოგიური და საზოგადოებრივი მოღვაწეობისათვის

• Спирохромены (ავტორი). - Тбилиси , Мецниереба, 1979. - 111с.