ვალერიან ადვაძე

დაბადების ადგილი: სოფელი პტენა, ახალქალაქის რაიონი.

დაამთავრა თბილისის სახელმწიფო უნივერსიტეტის ეკონომიკის ფაკულტეტი 1953 წელს.

1953–1956წწ. სწავლობდა თბილისის სახელმწიფო უნივერსიტეტის ასპირანტურაში; 1956–1988წწ. მუშაობდა თბილისის სახელმწიფო უნივერსიტეტში ეკონომიკის ფაკულტეტზე ასისტენტის, უფროსი მასწავლებლის, დოცენტის, პროფესორის და სახალხო მეურნეობის ისტორიისა და ეკონომიკური მოძღვრების ისტორიის კათედრის გამგედ; ერთდროულად 1978 წლიდან იყო საქართველოს სახელმწიფო საგეგმო კომიტეტთან არსებული ეკონომიკური დაგეგმვისა და მართვის სამეცნიერო–კვლევითი ინტიტუტის დირექტორის მოადგილე; 1988 წლიდან დირექტორი;  ხელმძღვანელობდა თბილისის სახელმწიფო უნივერსიტეტში ეკონომიკურ მეცნიერებათა დოქტორის ხარისხის მიმნიჭებელ სპეციალურ საბჭოს; კვლევის ძირითადი სფერო იყო საქართველოს ეკონომიკა: მისი ომის შემდგომი განვითარება, პრობლემები, პერსპექტივები, მსოფლიოს ქვეყნების ეკონომიკის ისტორიის საკითხები; აქტიურად მონაწილეობდა რესპუბლიკის საზოგადოების პოლიტიკურ ცხოვრებაში; 1992 წლიდან იყო საქართველოს რესპუბლიკის ეკონომიკის სამეცნიერო–კვლევითი ინსტიტუტის დირექტორი; 1992-1993წწ. საქართველოს მე-3 მოწვევის პარლამენტის წევრი, საარჩევნო ბლოკი: "საქართველოს ეროვნული თანხმობისა და აღორძინების კავშირი", საარჩევნო ფორმა: პარტიული სიით. 1993-1995წწ. საქართველოს საგანგებო და სრულუფლებიანი ელჩი რუსეთის ფედერაციაში. მინიჭებული აქვს საგანგებო და სრულუფლებიანი ელჩის დიპლომატიური რანგი. ეკონომიკურ მეცნიერებათა დოქტორი (1970), პროფესორი (1973), საქართველოს პრეზიდენტობის კანდიდატი (1991). 

წყარო: საქართველო: ენციკლოპედია: ტ.1.-თბ.,1997.-გვ.51; საქართველოს პარლამენტის წევრები 1990-2015.- თბ.-2015/ კობა ამირხანაშვილი.-გვ.61; საქართველოს პარლამენტის ვებ-გვერდი: web.archive.org; წიგნი ღირსებისა: ტ. 1/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2000. - გვ.368; დამოუკიდებელი საქართველოს ელჩები, 1991-2021: ნაწილი 1/ ჭუმბურიძე, ზვიად. - თბ., 2021. გვ.28

• რუსეთის ეკონომიკურ მეცნიერებათა და სამეწარმეო საქმიანიბის აკადემია , აკადემიკოსი (1991-)
• საბჭოთა სოციალისტური რესპუბლიკების კავშირი , სახალხო დეპუტატი (1989-)
• საბჭოთა სოციალისტური რესპუბლიკების კავშირის უზენაესი საბჭოს ეროვნებათა საბჭო, წევრი (1989-)
• საქართველოს სახელმწიფო ქონების მართვის კომიტეტი, თავმჯდომარე (1992-1993)
• საქართველოს მე-3 მოწვევის პარლამენტი, წევრი (1992-1993)
• საქართველოს მე-3 მოწვევის პარლამენტის ეკონომიკურ საკითხთა კომისია, თავმჯდომარე (1992-1993)
• საქართველოს რესპუბლიკის სახელმწიფო საბჭო, წევრი
• საქართველოს სამეცნიერო ეკონომიკური საზოგადიების რესპუბლიკური გამგეობა , თამჯდომარე (1984-)

• 1996 - ღირსების ორდენი
• 1990 - საქართველოს მეცნიერებათა დამსახურებული მოღვაწე

• ეკონომიკური აზროვნების დეფიციტი (ავტორი). - თბილისი, მერანი, 2005. - 355გვ.
• სოციალურ-ეკონომიკური განვითარების დაჩქარება (ავტორი). - თბილისი, საბჭ. საქართველო, 1987. - 149გვ.
• სკკპ ეკონომიკური სტრატეგია და სსრ კავშირის ეკონომიკის განვითარების თანამედროვე ეტაპის თავისებურებანი. (ავტორი). - თბილისი, საბჭ. საქართველო, 1982. - 71გვ.
• კაპიტალისტური ქვეყნების ეკონომიკური ისტორია : სახელმძღვ. ეკონომ. ფაკ-ტების სტუდენტებისათვის (ავტორი). - თბილისი, თბილ. უნ-ტის გამ-ბა, 1975. - 333გვ.
• სსრ კავშირის ეკონომიური ისტორია (თანაავტორი). - თბილისი, თბილ. უნ-ტის გამ-ბა, 1971. - 193გვ.
• საქართველოს სსრ მრეწველობის ზრდის ტემპები და სტრუქტურა ომის შემდგომ პერიოდში. (ავტორი). - თბილისი, თბილ. უნ-ტის გამ-ბა, 1970. - 141გვ.
• საქართველოს სსრ ეკონომიური განვითარება ომის შემდგომ პერიოდში. (ავტორი). - თბილისი, საბჭ. საქართველო, 1968. - 174გვ.
• საზღვარგარეთის სოციალისტური ქვეყნების ეკონომიური ისტორია (ავტორი). - თბილისი, თბილ. უნ-ტის გამ-ბა, 1968. - 177გვ.
• სსრ კავშირის ეკონომიური ისტორია (თანაავტორი). - თბილისი, თბილ. უნ-ტის გამ-ბა, 1967. - 159გვ.