არჩილ გელოვანი

დაბადების ადგილი: სოფელი სპათაგორი, ცაგერის რაიონი (ყოფილი ლეჩხუმის მაზრა).

დაამთავრა საქართველოს ინდუსტრიული ინსტიტუტი 1936 წელს; ლენინგრადის ფ. ძერჟინსკის სახელობის სამხედრო-საზღვაო სასწავლებელი 1939 წელს.

1939 წლიდან მსახურობდა არმიაში; II მსოფლიო ომის დროს ხელმძღვანელობდა სამხედრო-საზღვაო და საფორტიფიკაციო მშენებლობებს; 1945 წლიდან მუშაობდა შავი ზღვის ფლოტის საინჟინრო სამმართველოში სხვადასხვა საპასუხისმგებლო თანამდებობაზე; 1949 წლიდან იყო სამხედრო-საზღვაო ძალების მთავარი სამმართველოს უფროსის მოადგილე, იმავე სამმართველოს უფროსი და შავი ზღვის ფლოტის სარდლის თანაშემწე მშენებლობის დარგში 1953 წლიდან; 1964–1969წწ. იყო სარაკეტო ჯარების მთავარსარდლის მოადგილე მშენებლობის დარგში და სამხედრო საბჭოს წევრი; 1969–1971წწ. სსრკ  თავდაცვის სამინისტროს სამშენებლო სამმართველოს უფროსის პირველი მოადგილე; 1971–1974წწ.  სსრკ თავდაცვის სამინისტროს სახელმწიფო ექსპერტიზის უფროსი; 1974–1987წწ. სსრკ თავდაცვის მინისტრის მოადგილე სამხედრო მშენებლობისა და ჯარების განლაგების დარგში. საბჭოთა სამხედრო მშენებლობის ისტორიაში საინჟინრო ჯარების პირველი მარშალი (1977). 

წყარო: საქართველო: ენციკლოპედია: ტ.I.–თბ., 1997.–გვ.581

• რსფრ VII-VIII მოწვევების უმაღლესი საბჭო, დეპუტატი

• 1977 - სსრკ სახელმწიფო პრემია
• 1971 - რსფსრ დამსახურებული ინჟინერი
• 1968 - ლენინური პრემია
• 1962 - უკრაინის რესპუბლიკის დამსახურებული ინჟინერი
• სევასტოპოლის საპატიო მოქალაქე