ზურაბ ცქიტიშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის ქიმიისა და კვების ტექნოლოგიის ფაკულტეტი სასურსათო პროდუქტების ტექნოლოგიის სპეციალობით 1965 წელს.

1965-1970წწ. იყო რძის კომბინატის ცვლის ოსტატი; 1971-1972წწ. - გარდაბნის რძის ქარხნის წარმოების უფროსი; 1972-1976წწ. - დირექტორი; 1976-1990წწ. - საქართველოს რძის მრეწველობის გაერთიანების მთავარი ინჟინერი; 1990-1993წწ. - თბილისის რძის კომბინატის გენერალური დირექტორი; 1993-1994წწ. - ამავე ქარხნის ბაზაზე შექმნილ ს/ს "ამალთეა"-ს გენერალური დირექტორი; 1995-1999წწ. საქართველოს მე-4 მოწვევის პარლამენტის წევრი, საარჩევნო ბლოკი: "საქართველოს მოქალაქეთა კავშირი", საარჩევნო ფორმა: პარტიული სიით; 1999-2004წწ. საქართველოს მე-5 მოწვევის პარლამენტის წევრი, საარჩევნო ბლოკი: "საქართველოს მოქალაქეთა კავშირი", საარჩევნო ფორმა: პარტიული სიით; 2004-2007წწ. საქართველოს მე-6 მოწვევის პარლამენტის წევრი, საარჩევნო ბლოკი: "ნაციონალური მოძრაობა - დემოკრატები", საარჩევნო ფორმა: პარტიული სიით; 2006 წელს პარლამენტის წევრის უფლებამოსილების დამთავრებამდე ორი წლით ადრე, საკუთარი განცხადების საფუძველზე, დატოვა პარლმენტი. გამოქვეყნებული აქვს წიგნი, 30 სამეცნიერო ნაშრომი და 20 გამოგონება. არის საქართველოს კანონების: "დამოუკიდებელი ეროვნული მარეგულირებელი ორგანოების შესახებ" - ავტორი და მომხსენებელი, "სავაჭრო პალატის შესახებ" - ავტორი და მომხსენებელი, "სურსათის ხარისხის და უვნებლობის შესახებ" - თანაავტორი და მომხსენებელი; 2019-2020წწ. გარემოს დაცვის და სოფლის მეურნეობის სამინისტრომ დაუმტკიცა მის მიერ მომზადებული (სურსათის უვნებლობის სფერო) რისკის შეფასების მოკლევადიანი განვითარების კონცეფცია. ამავე პერიოდში სხვათა და დოქტორ დარეჯან დუღაშვილის თანაავტორობით, სისტემური მიდგომის განვითარების მიზნით შექმნა და დანერგა რისკის შეფასების საწყისი წერტილის კონცეფცია. ტექნიკურ მეცნიერებათა დოქტორი, აკადემიკოსი.

წყარო: ვინ ვინაა საქართველოში: ქართული ბიოგრაფიული ცნობარი. – 1998-1999. - გვ. 386; საქართველოს პარლამენტის ვებგვერდი: parliament.ge; წიგნი ღირსებისა: ტ. 6/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.44; საქართველოს პარლამენტის წევრები 1990-2015 / კობა ამირხანაშვილი.- თბ.-2015.-გვ.383

• ს/ს "ამალთეას" სამეთვალყურეო საბჭო, თავმჯდომარე (1994-)
• საქართველოს მე-4 მოწვევის პარლამენტი, წევრი (1995-1999)
• საქართველოს მე-4 მოწვევის პარლამენტის დარგობრივი ეკონომიკის კომიტეტი, კომიტეტის თავმჯდომარე (1995-1999)
• საქართველოს მე-4 მოწვევის პარლამენტის ფრაქცია "მოქალაქეთა კავშირი", წევრი (1995-1999)
• საქართველოს მე-5 მოწვევის პარლამენტი, წევრი (1999-2004)
• საქართველოს მე-5 მოწვევის პარლამენტის დარგობრივი ეკონომიკის კომიტეტი, წევრი (2002-2004)
• საქართველოს მე-5 მოწვევის პარლამენტის დარგობრივი ეკონომიკის კომიტეტი, კომიტეტის თავმჯდომარე (1999-2002)
• საქართველოს მე-5 მოწვევის პარლამენტის ეკონომიკური პოლიტიკის კომიტეტი, წევრი (2002-2004)
• საქართველოს მე-5 მოწვევის პარლამენტის ფრაქცია "გაერთიანებული დემოკრატები", ფრაქციის თავმჯდომარის მოადგილე (2002-2004)
• საქართველოს მე-5 მოწვევის პარლამენტის ფრაქცია "საქართველოს მოქალაქეთა კავშირი", წევრი (1999-2002)
• საქართველოს მე-6 მოწვევის პარლამენტი, წევრი (2004-2007)
• საქართველოს მე-6 მოწვევის პარლამენტის აგრარულ საკითხთა კომიტეტი, წევრი (2004-2007)
• საქართველოს მე-6 მოწვევის პარლამენტის დარგობრივი ეკონომიკისა და ეკონომიკური პოლიტიკის კომიტეტი, წევრი (2004-2007)
• საქართველოს მე-6 მოწვევის პარლამენტის ფრაქცია "ნაციონალური მოძრაობა - დემოკრატები", წევრი (2004-2007)
• საქართველოს მოქალაქეთა კავშირი, წევრი
• საქართველოს სოფლის მეურნეობის აკადემია, აკადემიკოსი

• 2001 - ღირსების ორდენი
• სსრკ ჩემპიონი (ფარიკაობა)

• რძისა და რძის პროდუქტების ტექნოლოგია (თანაავტორი). - თბილისი, საბჭ. საქართველო, 1984. - 331გვ.