ოთარ კობერიძე

დაბადების ადგილი: ქ. თბილისი.

დაამთავრა თბილისის შოთა რუსთაველის სახელობის სახელმწიფო თეატრალური ინსტიტუტის სამსახიობო ფაკულტეტი 1948 წელს.

1943-1945 წწ. მონაწილეობდა მეორე მსოფლიო ომში; 1950-1956 წწ. სოხუმის დრამატული თეატრის, 1959-1964 წწ. კ. მარჯანიშვილის სახელობის თეატრის მსახიობია; 1941 წლიდან იღებენ კინოში. მის მიერ შესრულებული როლებიდან აღსანიშნავია ბესარაბიელი პარტიზანი ("შავი მთები", 1941), ბაში-აჩუკი ("ბაში-აჩუკი", 1956), დათა ("სხვისი შვილები", 1959), ესპანელი ოფიცერი ("ისინი მიდიოდნენ აღმოსავლეთისაკენ", 1963), გრიაზნოი ("მეფის საცოლე", 1964), მფრინავი ეგზიუპერი ("პატარა უფლისწული", 1966), ჩეჩონი ("წითელი კარავი", 1970), შაჰ ქაუსი ("რუსტამის გმრობანი", 1971), კიაზო (ოპერა-ფილმი "დაისი", 1971); ასევე გადაღებულია ფილმებში: "მამლუქი", "ქალის ტვირთი", "დღე უკანასკნელი, დღე პირველი",  "გენერალი და ზიზილები", "ზღვის შვილები", "დათა თუთაშხია", "ანთიმოზ ივერიელი", "ალადინის ჯადოსნური ლამპარი" და სხვ.; ავტორია სატელევიზიო ფილმებისა: "გამსვლელი პაიკი" (1970), "აღმოსავლეთის ექსპრესი"(1976). დადგა სატელევიზიო სპექტაკლები: "მეშვიდე", "მოცეკვავე კაცუნები", "სურათები"; 1956 წლიდან კინოსტუდია "ქართულ ფილმის" მსახიობი და რეჟისორია; შესრულებული აქვს 50-ზე მეტი როლი. როგორც რეჟისორს გადაღებული აქვს ათამდე ფილმი, სამი ფილმისთვის კი სცენარი თავად დაწერა.

წყარო: ქართული საბჭოთა ენციკლოპედია:ტ.5.-თბ.,1990.-გვ.566

• საქართველოს კინემატოგრაფისტთა შემოქმედებითი კავშირი, წევრი

• 2002 - მემედ აბაშიძის სახელობის პრემია
• 1981 - აფხაზეთის ასსრ სახალხო არტისტი
• 1968 - საქართველოს სახალხო არტისტი
• 1958 - საქართველოს დამსახურებული არტისტი
• 1954 - აფხაზეთის ასსრ დამსახურებული არტისტი