თამაზ ბოლქვაძე

დაბადების ადგილი: სოფელი ახო, ქედის რაიონი.

დაამთავრა თბილისის სახელმწიფო უნივერსიტეტის ეკონომიკის ფაკულტეტი სპეციალობით მრეწველობის დაგეგმვა 1978 წელს.

1978-1984წწ. მუშაობდა ეკონომიკისა და დაგეგმვის სამეცნიერო-კვლევით ინსტიტუტში ჯერ უფროს ლაბორანტად, შემდეგ უმცროს მეცნიერ-თანამშრომლად; 1984-1991წწ. რეგიონალურ გამოკვლევათა კოორდინაციისა და მეთოდოლოგიის სექტორის გამგე; 1991-1992წწ. მინისტრთა კაბინეტში ჯერ ეკონომიკური რეფორმებისა და ადგილობრივი მმართველობის სახელმწიფო კომისიაში, შემდეგ მმართველობის ადგილობრივი ორგანოების განყოფილებაში სახელმწიფო მრჩეველი. 1993-1995წწ. სახელმწიფოს მეთაურის აპარატის რეგიონების მართვის სამსახურში სახელმწიფო მრჩველი. 1995-1999წწ. საქართველოს მე-4 მოწვევის პარლამენტის წევრი, საარჩევნო ბლოკი: ბლოკი "სრულიად საქართველოს აღორძინების კავშირი", საარჩევნო ფორმა: პარტიული სიით სრულიად საქართველოს აღორძინების კავშირიდან. არის 15-მდე სამეცნიერო შრომის ავტორი და თანაავტორი. 

წყარო: ვინ ვინაა საქართველოში: ქართული ბიოგრაფიული ცნობარი. -თბ., 1996-97. -გვ.42; საქართველოს პარლამენტის ვებგვერდი: parliament.ge; საქართველოს პარლამენტის წევრები 1990-2015.- თბ.-2015/კობა ამირხანაშვილი.-გვ. 98

• საქართველოს მე-4 მოწვევის პარლამენტი, წევრი (1995-1999)
• საქართველოს მე-4 მოწვევის პარლამენტის თვითმმართველობის და რეგიონალური პოლიტიკის კომიტეტი, კომიტეტის თავმჯდომარე (1995-1999)
• საქართველოს მე-4 მოწვევის პარლამენტის ფრაქცია "აღორძინება", წევრი (1995-1997)
• საქართველოს მე-4 მოწვევის პარლამენტის ფრაქცია "მამული", წევრი (1997-1999)