ნიკოლოზ ჩერქეზიშვილი

დაბადების ადგილი: ქ. თბილისი.

დაამთავრა მოსკოვის საერთაშორისო ურთიერთობათა ინსტიტუტი საერთაშორისო სამართლის სპეციალობით 1952 წელს. 1952-1957წწ. იყო გაზეთ "ზარია ვოსტოკას" ლიტმუშაკი, განყოფილების გამგე; 1957-1965წწ. სსკპ ცკ-ს ინსტრუქტორი, განყოფილების გამგის მოადგილე, მეცნიერებისა და კულტურის განყოფილების გამგე; 1965-1973წწ. საქართველოს სახელმწიფო მუზეუმის დირექოტორი; 1973-1976წწ. კომპარტიის ცკ-ს კულტურის განყოფილების გამგე; 1976-1990წწ. რესპუბლიკური რუსული და ქართული გაზეთების მთავარ რედაქტორად: 1976-1988წწ. გაზეთ "ზარია ვოსტოკა"-ს, 1988-1990წწ. გაზეთ "კომუნისტის"-ის რედაქტორი; 1990 წელს აირჩიეს ჟურნალისტთა დამოუკიდებელი კავშირის პირველ თავმჯდომარედ. წლების მანძილზე პარალელურად დაკავებული იყო სამეცნიერო-პედაგოგიური მოღვაწეობით; 1996 წლის 7 ივლისს უზენაესი სასამართლოს მიერ დაინიშნა საქართველოს საკონსტიტუციო სასამართლოს წევრად; 1999 წელს საქართველოს პრეზიდენტის განკარგულებით მიენიჭა უმაღლესი საკვალიფიკაციო კლასის მოსამართლის საკლასო ჩინი; 2004 წლის 28 სექტემბერს აირჩიეს საქართველოს საკონსტიტუციო სასამართლის მოადგილედ და იმავდროულად საკონსტიტუციო სასამართლოს მეორე კოლეგიის თავმჯდომარედ. მიღებული აქვს საქართველოს მინისტრთა საბჭოს პრემია. 4 მონოგრაფიისა და მრავალი საგაზეთო და საჟურნალე სტატიის ავტორი. გამოქვეყნებული აქვს ნაშრომები ქართულ, რუსულ და  ინგლისურ ენებზე. მეცნიერებათა კანდიდატი.

წყარო: ვინ ვინაა საქართველოში: ქართული ბიოგრაფიული ცნობარი. –თბ., 1998-1999. - გვ. 363.; საქართველოს საკონსტიტუციო სასამართლო: constcourt.ge; წიგნი ღირსებისა: ტ. 6/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.81

• ჟურნალისტთა დამოუკიდებელი კავშირი, თავმჯდომარე (1990-)
• საქართველოს საკონსტიტუციო სასამართლო, წევრი (1996-)

• 2001 - ღირსების ორდენი
  სახელმწიფო მოხელეთა და მოსახლეობის სამართლებრივ აღზრდაში შეტანილი თვალსაჩინო წვლილისათვის
• საქართველოს დამსახურებული ჟურნალისტი

• პოლიტიკური განათლების ზოგიერთი საკითხი : საქ. პარტ. ორგანიზაციის მუშაობის გამოცდილებიდან. - თბილისი, საბჭ. საქართველო, 1962. - 95გვ.
• ფართო ფრონტით : საქართველოს პარტ. ორგანიზაციების იდეოლოგ. მუშაობის გამოცდილებიდან (ავტორი). - თბილისი, საბჭ. საქართველო, 1961. - 74გვ.