The National Library of Georgia მთავარი - ბიბლიოთეკის შესახებ - ელ.რესურსები 
  შესვლა
ბიოგრაფიული ლექსიკონი
დასაწყისიკატეგორიები  
ძიება
პიროვნების სახელი:

საქართველოს ბიოგრაფიულ ლექსიკონში იხილავთ იმ პიროვნებათა ბიოგრაფიებს, რომლებიც საქართველოს ისტორიის ნაწილნი არიან ან დაკავშირებულნი არიან საქართველოსთან, უცხოვრიათ საქართველოში ან მის ფარგლებს გარეთ.

ლექსიკონის მხარდამჭერია საქართველოს პარლამენტის ეროვნული ბიბლიოთეკა.

პროექტი მიზნად ისახავს, გამოაქვეყნოს მაქსიმალურად ყველა ცნობილი ქართველი. ამ უნიკალური ლექსიკონის შევსებაში, ვფიქრობთ, ჩაერთვება მთელი საქართველო.

შემოგვიერთდით ფეისბუკის გვერდზე



გიგო გაბაშვილი

გიგო გაბაშვილი
ოფიციალური სახელი:გიორგი გაბაშვილი
დაბადების თარიღი:21 ნოემბერი, 1862
გარდაცვ. თარიღი:28 ოქტომბერი, 1936  (73 წლის ასაკში)
კატეგორია:მხატვარი

ბიოგრაფია

დაბადების ადგილი: ქობულეთის რაიონი, სოფელი ციხისძირი. 

1882–1883წწ. სწავლობდა თბილისში, კ. კეპენის კერძო სამხატვრო სკოლაში, თანამშრომლობდა ფ. რუმბოსთან, რომელიც თბილისის სამხედრო–ისტორიული მუზეუმისათვის ხატავდა სურათებს; 1886–1888წწ. სწავლობდა პეტერბურგის სამხატვრო აკადემიაში; 1894–1807წწ. მიუნხენის სამხატვრო აკადემიაში. 1898 წელს იყო იტალიასა და საბერძნეთში; სამხატვრო ასპარეზზე გამოვიდა 1888 წლიდან; 1891 წელს თბილისში გახსნა პერსონალური გამოფენა; 1897 წელს დააარსა სამხატვრო სტუდია; 1900 წლიდან ასწავლიდა "ნატიფი ხელოვნების წამახალისებელი კავკასიის საზოგადოების" ხატვის სკოლაში, 1901 წლიდან იყო ამ სკოლის დირექტორი. ფერმწერი; თბილისის სამხატვრო აკადემიის ერთ–ერთი დამმარსებელი და პირველი პროფესორი(1922). ახალი ქართული რეალისტური მხატვრობის ერთ–ერთი  ფუძემდებელი; მან შექმნა მთელი სერია ქართული კულტურის მოღვაწეთა პორტრეტებისა ილია ჭავჭავაძე(1907-1908), აკაკი წერეთელი(1913), გრიგოლ ორბელიანი(1913). გ. გაბაშვილის ცნობილი ნამუშევრებია: "უცნობი ქართველი თავადი", "გრძელულვაშებიანი თავადი"(საქართველოს ხელოვნების სახელმწიფო მუზეუმი), "სამი გენერალი"(1910, თბილისის სახელმწიფო სამხატვრო აკადემია), "მძინარე ხევსური"(1898), "მთვრალი ხევსური"(1899), "მთვრალი ხევსურები"(1899), "სამი მოქალაქე"(1893), "ალავერდობა"(1899), "განთიადზე სასაფლაოს ეკლესიასთან"(1904), "ბოსტანში"(1891), "არხოტის დაცვა"(1898-1901), "წვიმის შემდეგ"(1891), "ბაზარი სამარყანდში"(1894), "დივანბეგის აუზი ბუხარაში",(1895, საქართველოს სახელმწიფო მუზეუმი).

წყარო: საქართველო: ენციკლოპედია: ტ.I.–თბ., 1997.–გვ.516

ორგანიზაციის, ასოციაციის ან ჯგუფის წევრი

  • თბილისის სამხატვრო აკადემია, ერთ-ერთი დამაარსებელი

ჯილდოები, პრემიები და პრიზები

  • 1929 - საქართველოს სახალხო მხატვარი

გააზიარე: