თეიმურაზ შაშიაშვილი

დაბადების ადგილი: ქ. ქუთაისი.

უმაღლესი განათლება მიიღო საქართველოს პოლიტექნიკური ინსტიტუტსა და სანქტ-პეტერბურგის უმაღლეს პოლიტიკური სასწავლებელში.

1967-1972წწ. მუშაობდა ქუთაისის გალაკტიონ ტაბიძის სახელობის სტამბაში მუშად, ინჟინრად; 1974 წელსს დაინიშნა კომკავშირის ცენტრალური კომიტეტის განყოფილების გამგის მოადგილედ; 1978 - ქუთაისის ახალგაზრდული ორგანიზაციის ხელმძღვანელად; იყო ქუთაისის მოსახლეობის მიერ არჩეული პარტიული ლიდერი, საქალაქო საბჭოს თავმჯდომარე; 1989-1991წწ. ქუთაისის აღმასკომის თავმჯდომარე; 1990-1991წწ. საქართველოს რესპუბლიკის პირველი მოწვევის უზენაესი საბჭოს წევრი, საარჩევნო ბლოკი: "საქართველოს კომუნისტური პარტია", საარჩევნო ფორმა: პარტიული სიით; საქართველოს დემოკრატიული აღმშენებლობისა და პოლიტოლოგიის ინსტიტუტის უფროსი მეცნიერ-თანამშრომელი (1992); საქართველოს რესპუბლიკის სახელმწიფო საბჭოს წევრი (1992); 1992-1994წწ. საქართველოს მე-3 მოწვევის პარლამენტის წევრი, საარჩევნო ფორმა: მაჟორიტარული, მაჟორიტარი №6.59 ქუთაისის ერთმანდატიანი საარჩევნო ოლქიდან; 1993-1995წწ. იყო ქალაქ ქუთაისის პირველი მერი; 1995-1997წწ. საქართველოს სახელმწიფოს მეთაურის სახელმწიფო რწმუნებული იმერეთის მხარეში (იმერეთის მხარის პირველი გუბერნატორი); 1997-2003წწ. საქართველოს პრეზიდენტის სახელმწიფო რწმუნებული იმერეთის მხარეში. მონაწილეობდა 2004 წლის საპრეზიდენტო არჩევნებში. მიღებული აქვს ალბერტ შვაიცერის საერთაშორისო დიპლომი და აშშ-ის ქალაქების, კოლუმბიისა და ინდიანაპოლისის საპატიო მოქალაქის წოდება. არის 40-ზე მეტი სამეცნიერო შრომისა და სტატიის ავტორი.

წყარო: ვინ ვინაა საქართველოში: ქართული ბიოგრაფიული ცნობარი. –  თბ., 1998-1999. - გვ. 347; წიგნი ღირსებისა: ტ. 6/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.174; საქართველოს პარლამენტის ვებგვერდი: old.parliament.ge; საქართველოს პარლამენტის წევრები 1990-2015 / კობა ამირხანაშვილი.- თბ.-2015.-გვ.

• გელათის მეცნიერებათა აკადემია, აკადემიკოსი
• მოძრაობა "დამოუკიდებელი, დემოკრატიული საქართველო", ერთ-ერთი დამფუძნებელი (1992-)
• პოლიტიკური პარტია "თეთრები", ერთ-ერთი დამფუძნებელი, პარტიის თავმჯდომარე (2009-)
• საზოგადოებრივი მოძრაობა "წინ საქართველო!", დამფუძნებელი (2005-)
• საქართველოს მე-3 მოწვევის პარლამენტი, წევრი (1992-1995)
• საქართველოს მე-3 მოწვევის პარლამენტის ეკონომიკურ საკითხთა კომისია, წევრი (1992-1994)
• საქართველოს მე-3 მოწვევის პარლამენტის თავდაცვის ფონდის საკონტროლო დროებითი კომისია, წევრი (1992-1994)
• საქართველოს რესპუბლიკის პირველი მოწვევის უზენაესი საბჭო, წევრი (1990-1991)

• 2001 - ღირსების ორდენი
• ვახტანგ გორგასლის I ხარისხის ორდენი

• აზროვნების სიძნელე ანუ მშიერ და დაუძლურებულ ქვეყანაში სიკეთე გათითოკაცებულია, ბოროტება ერთ მუშტად შეკრული და კუჭი იმარჯვებს გონებაზე (ავტორი). - თბილისი, 2000. - 60გვ.
• მოხსენება საქართველოს პარლამენტში (13 ივნისი, 1997 წელი) (ავტორი). - თბილისი, 1998. - 28გვ.