ვასო გოძიაშვილი

დაბადების ადგილი: ქ. თბილისი.

სწავლობდა დრამატურგიულ სტუდიაში 1922-1924წწ.

1924–1930წწ. იყო შოთა რუსთაველის სახელობის თეატრის მსახიობი; 1930 წლიდან გარდაცვალებამდე კ. მარჯანიშვილის სახელობის თეატრის მსახიობი; მის მიერ შექმნილი ლუარსაბ თათქარიძის სახე ("კაცია–ადამიანი?!", ი. ჭავჭავაძის მიხედვით) ქართულ თეატრის ისტორიაში შევიდა, როგორც ქართული აქტიორული სკოლის ერთ–ერთი ბრწყინვალე მონაპოვარი; სხვა როლები: ახმა (ს. შანშიაშვილის "ანზორი"), რუი ბლაზი (ვ. ჰიუგოს "რუი ბლაზი"), ხლესტაკოვი (ნ. გოგოლის "რევიზორი"), მეფე ერეკლე (ლ. გოთუას "მეფე ერეკლე"), რიჩარდ III (უ. შექსპირის "რიჩარდ III"); აღსანიშნავია მის მიერ დადგმული სპექტაკლი "ძველი ვოდევილები", "ბუტიაობა" (ა. წერეთლი), "ოინბაზი" (ა. ცაგარელი), "სასამართლოში" (ბახუტაშვილი), სადაც თვითონ ბრწყინვალედ შეასრულა ტიგრან ოფოფიანცის, არშაკას და სპექტაკლის წამყვანის – მოხუცი მსახიობის – როლები; ასევე წარმატებით მოღვაწეობდა კინოში –  სიკო ("ქეთო და კოტე", 1948), ავეტიკა ("რაც გინახავს, ვეღარ ნახავ", 1965), კათალიკოსი მელქისედეკი ("დიდოსტატის მარჯვენა", 1970) და სხვ. დიდი ღვაწლი მიუძღვის ქართული საესტრადო ხელოვნების განვითარებაში, არის ესტრადის მსახიობთა I საკავშირო კონკურსის ლაურეატი. მიღებული აქვს სახელმწიფო ჯილდოები.

წყარო: საქართველო: ენციკლოპედია: ტ.2. – თბ., 2012. – გვ.131; კახეთის გამოჩენილი ადამიანები/ოთარ ნაცარაშვილი.-თბ.,2001.-გვ.243 

• საქართველოს სსრ IV-V მოწვევების უმაღლესი საბჭო, დეპუტატი

• 1971 - შოთა რუსთაველის სახელობის სახელმწიფო პრემია
• 1958 - სსრკ სახალხო არტისტი
• 1952 - სსრკ სახელმწიფო პრემია
• საპატიო ნიშნის ორდენი
• შრომის წითელი დროშის ორდენი (2 ორდენი)
• ლენინის ორდენი
• საქართველოს სახალხო არტისტი