თამაზ ბოხუა

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1960 წელს; 1962-1965წწ. იყო ენერგეტიკის სამეცნიერო-კვლევითი ინსტიტუტის ასპირანტი "სამშენებლო მექანიკისა და დრეკადობის თეორიის" სპეციალობით.

1966-1978წწ. უფროსი მეცნიერ-თანამშრომელი; 1978-1986წწ. მუშაობდა საქართველოს პოლიტექნიკური ინსტიტუტის თეორიული მექანიკის კათედრაზე; 1986 წლიდან - თბილჰიდროპროექტში, სადაც 1991 წლიდან ხელმძღვანელობდა პერსპექტიული დაგეგმარების განყოფილებას. მისი ნაშრომები უმთავრესად მიძღვნილია თაღოვანი კაშხალების სიმტკიცისა და საიმედოობის საკითხებისადმი; მან შეიმუშავა და დანერგა თაღოვანი კაშხალების საიმედოობის შეფასების მეთოდი სეისმური ზემოქმედების გათვალისწინებით, რომელიც დაფუძნებულია გარსთა თეორიის სტოქასტიკურ სასაზღვრო ამოცანის ამოხსნის ბუბნოვ-გალიორკინის მეთოდზე. მოღვაწეობდა სამეცნიერო-პოპულარული ლიტერატურის ჟანრში. ტექნიკურ მეცნიერებათა დოქტორი (1989), პროფესორი (1990).

წყარო: საქართველო: ენციკლოპედია: ტ.I.–თბ., 1997.–გვ.476; საქართველოს მათემატიკოსები და მექანიკოსები: ბიოგრაფიული ცნობარი/ნოდარ მახვილაძე. -თბ., 2016. -გვ.192-193; კარგ ქართველთა საფლავები : geonecropol.ge

• საინჟინრო აკადემიასთან არსებული ტექნიკურ მეცნიერებათა ისტორიის კვლევის სამეცნიერო ცენტრი, ხელმძღვანელი (1991-)
• საქართველოს საინჟინრო აკადემია, წევრ-კორესპონდენტი (1996-)

• საუბრები პროფესორ ალექსი გორგიძესთან (ავტორი). - თბილისი, სტუ, საქ. საინჟ. აკად. ტექნ. მეცნ. ისტ. კვლევის ცენტრი, 1997. - 83გვ.
• მოთხრობები მექანიკაზე ანუ "ის მაინც ბრუნავს"! (ავტორი). - თბილისი, ნაკადული, 1993. - 216გვ.
• თეორიული მექანიკის სწავლების მეთოდიკის ზოგიერთი საკითხი უმაღლესი ტექნიკური სასწავლებლების საღამოს ფაკულტეტზე : მეთოდ. მით. (თანაავტორი). - თბილისი, საქართველოს პოლიტექნ. ინ-ტი, 1979. - 44გვ.
• თაღური კაშხალები საქართველოში (თანაავტორი). - თბილისი, საბჭ. საქართველო, 1963. - 31გვ.