ივერი ფრანგიშვილი

დაბადების ადგილი: სოფელი დიდი ჯიხაიში, სამტრედიის რაიონი.

დაამთავრა საქართველოს სახელმწიფო პოლიტექნიკური ინსტიტუტის ენერგეტიკის ფაკულტეტი 1952 წელს.

1952-1953წწ. იყო ჰიდროენერგოპროექტის საქართველოს ფილიალის ინჟინერ-მაპროექტირებელი; 1953-1955წწ. საქენერგოს უფროსი ინჟინერი; 1955-1958წწ. ასპირანტი; 1959-1960წწ. ავტომატიკის, ელექტრომექანიკის და ტელემექანიკის ინსტიტუტის პირველი კატეგორიის ინჟინერი; 1970-1984წწ. რუსეთის მეცნიერებათა აკადემიის ინსტიტუტის დირექტორის მოადგილე; 1987 წლიდან სსრკ ატომური სადგურების ავტომატიზაციის გენერალური კონსტრუქტორი; 1987 წლიდან სიცოცხლის ბოლომდე ხელმძღვანელობდა რუსეთის მეცნიერებათა აკადემიის მართვის პრობლემების ინსტიტუტს; 1990-1991წწ. საქართველოს პირველი მოწვევის უზენაესი საბჭოს წევრი, საარჩევნო ბლოკი: "საქართველოს კომუნისტური პარტია, საარცევნო ფორმა: პარტიული სიით; ხელი აქვს მოწერილი საქართველოს სახელმწიფოებრივი დამოუკიდებლობის აღდგენის აქტზე (1991 წლის 9 აპრილი); მისი სამეცნიერო მოღვაწეობის სფერო ფართოა: სისტემური მიდგომისა და ზოგადსისტემური კანონზომიერებების თეორიისა და პრინციპების დამუშავება სხვადასხვა ბუნების რთული სისტემების ფუნქციონირებისათვის; მოძრავი ობიექტების ამოცნობისა და აღმოჩენისათვის ახალი (ფონური) პრინციპების დამუშავება; ახალი კლასის პარალელური და გარდაქმნადი მრავალპროცესორიანი მმართველი გამოთვლითი სისტემების თეორიული საფუძვლებისა და პრინციპების დამუშავება. მისი კვლევების შედეგები წარმატებით გამოიყენება სხვადასხვა დარგებში რთული სისტემების მართვისათვის. 300-ზე მეტი ნაშრომის(7 მონოგრაფია), ერთი აღმოჩენის, 50 გამოგონების ავტორი. ტექნიკურ მეცნიერებათა დოქტორი (1968), პროფესორი (1969), აკადემიკოსი.

წყარო: ვინ ვინაა საქართველოში: ქართული ბიოგრაფიული ცნობარი. –  თბ., 1998-1999. - გვ. 319; საქართველოს მათემატიკოსები და მექანიკოსები: ბიოგრაფიული ცნობარი/ნოდარ მახვილაძე. -თბ., 2016. -გვ.279-280; საქართველოს პარლამენტის წევრები 1990-2015 / კობა ამირხანაშვილი.- თბ., 2015.- გვ.332; საქართველოს პარლამენტის ვებგვერდი: parliament.ge; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.230

• კალიფორნიის მეცნიერების, ტექნიკის და ხელოვნების აკადემია, წევრი (1996-2006)
• რუსეთის საინჟინრო აკადემია, ნამდვილი წევრი (1990-2006)
• საერთაშორისო საინჟინრო აკადემია, აკადემიკოსი (1991-2006)
• საქართველოს მეცნიერებათა აკადემია, აკადემიკოსი (1979-2006)
• საქართველოს რესპუბლიკის პირველი მოწვევის უზენაესი საბჭო, წევრი (1990-1991)
• საქართველოს საინჟინრო აკადემია, პრეზიდენტი (1991-2006)

• 1998 - ღირსების ორდენი
  რუსეთის ფედერაციაში საზოგადოების ''ქართველები რუსეთში'' საქმიანობაში ქართველი და რუსი ხალხების მეგობრობის განმტკიცებაში შეტანილი პირადი დიდი წვლილისათვის
• 1980 - რუსეთის მეცნიერებისა და ტექნიკის დამსახურებული მოღვაწე
• წითელი დროშის ორდენი (2 ორდენი)

• Системный подход и общесистемные закономерности (ავტორი). - Москва, СИНТЕГ, 2000. - 521с.. - ISBN: 5896380429