მიხეილ გრიგორიანი

დაბადების ადგილი: ქ. თბილისი.

დაამთავრა თბილისის შოთა რუსთაველის სახელობის სახელმწიფო თეატრალური ინსტიტუტის სარეჟისორო ფაკულტეტი 1965 წელს.

 1959 წლიდან მუშაობდა თბილისის ს. შაუმიანის სახელობის სომხურ სახელმწიფო დრამატულ თეატრში მსახიობად; საქართველოს შოთა რუსთაველის სახელობის სახელმწიფო დრამატულ თეატრში მსახიობად; ინსტიტუტის დამთავრების შემდეგ სხვადასხვა დროს მუშაობდა დამდგმელ რეჟისორად და მთავარ რეჟისორად თბილისის სომხურ სახელმწიფო დრამატულ თეატრში; მისი საუკეთესო დადგმებია: ნ. ზარიანის "მშვენიერი, არა", ა. კასონას "ხეები ზეზეურად კვდებიან", გ. სუნდუკიანის "ხათაბალა", ა. შირვანზადეს "ავი სული", ვ. ჰიოგოს "ანჟელო", ი. ჭავჭავაძის "კაცია ადამიანი"; სპექტაკლები დადგა აგრეთვე თბილისის სანკულტურის, ზუგდიდის შ. დადიანის, ჭიათურის ა. წერეთლის სახელობის თეატრებში; სომეხი რეჟისორი.

წყარო: საქართველო: ენციკლოპედია: ტ.2. – თბ., 2012. – გვ.160

• 1998 - ღირსების ორდენი
• 1984 - საქართველოს ხელოვნების დამსახურებული მოღვაწე