გურამ ბზვანელი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტი 1959 წელს, 1966 წელს თბილისის სახელმწიფო კონსერვატორია.

1967–1977წწ. იყო თბილისის მოსწავლე ახალგაზრდობის სასახლის სამუსიკო ნაწილის ხელმძღვანელი; 1975–1987წწ. - თბილისის მინიატურების სახელმწიფო თეატრის სამუსიკო ნაწილის გამგე; 1987 წლიდან - თბილისის მე-3 სამუსიკო სასწავლებლის დირექტორი. 1955 წელს საქართველოს პოლიტექნიკური ინსტიტუტის საესტრადო ორკესტრთან ჩამოაყალიბა ვოკალური კვარტეტი. მრავალი საესტრადო სიმღერის ავტორი. დაწერილი აქვს სავიოლინო კონცერტი, სიმფონია, სიმფონიური მინიატურები, კამერულ-საკრავიერი და საგუნდო ნაწარმოებები, თეატრისა და კინოს მუსიკა. 2006 წელს ქალაქ ვანში მუსიკალურ სკოლას მიენიჭა გურამ ბზვანელის სახელი, 2015 წლის 22 ივნისს ფილარმონიის დიდი საკონცერტო დარბაზის წინ გაიხსნა მისი სახელობის ვარსკვლავი.

წყარო: საქართველო: ენციკლოპედია: ტ.I.–თბ., 1997.–გვ.421; წიგნი ღირსებისა: ტ. 1/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2000. - გვ.399; ცნობილი და უცნობი პოლიტექნიკოსები/ დავით გურგენიძე.- თბ.,2020.- გვ. 164-165; დიდუბის პანთეონი=Didube pantheon/ბადრი ქუთათელაძე. -თბ., 2025.-გვ.75

• საქართველოს კომპოზიტორთა კავშირი, წევრი (1968-)

• 2002 - თბილისის ერთგულების მედალი
• 1999 - საქართველოს სახელმწიფო პრემია
• 1996 - ღირსების ორდენი
  ქართული მუსიკალური ხელოვნების საქმეში შეტანილი წვლილისათვის, ნაყოფიერი შემოქმედებითი სა პედაგოგიური მოღვაწეობისათვის
• 1983 - საქართველოს ხელოვნების დამსახურებული მოღვაწე
• 1957 - ახალგაზრდობისა და სუდენტთა VI საერთაშორისო ფესტიველის ლაურეატი (მოსკოვი)
• თბილისის საპატიო მოქალაქე