ელდარ გუგავა

დაბადების ადგილი: ქ. ცაგერი.

დაამთავრა საქართველოს სასოფლო–სამეურნეო ინსტიტუტი 1971 წელს.

1978-1985წწ. იყო საქართველოს სასოფლო–სამეურნეო ინსტიტუტის ზოგადი მიწათმოქმედების კათედრის ასისტენტი, შემდეგ დოცენტი; 1985-2006წწ. ამავე ინსტიტუტის ბოტანიკის კათედრის გამგე; 2006 წლიდან იყო საქართველოს სახელმწიფო აგრარული უნივერსიტეტის ბიოლოგიის დეპარტამენტის უფროსი და სრული პროფესორი; ეწეოდა სამეცნიერო–პედაგოგიურ მოღვაწეობას; მუშაობდა სასოფლო–სამეურნეო კულტურების მოყვანის უახლესი ტექნოლოგიების შემუშავებაზე ეკოლოგიურად სუფთა პროდუქციის მიღების მიზნით; 2003 წლიდან მონაწილეობდა სამეცნიერო საგრანტო პროექტებში, უმეტესად კოორდინატორად და ჯგუფის ხელმძღვანელად; ავტორია მრავალი სამეცნიერო ნაშრომის, მათ შორის 8 სახელმძღვანელოსი და 4 მონოგრაფიის; მიღებული აქვს სახელმწიფო ჯილდოები; აგრონომი, სოფლის მეურნეობის მეცნიერებათა დოქტორი (1993), პროფესორი (1994).

წყარო: საქართველო: ენციკლოპედია: ტ.2. – თბ., 2012. – გვ.172; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.221

• 2006 - ღირსების ორდენი
• 1999 - ღირსების ორდენი
  საქართველოს აგროსამრეწველო კომპლექსის დარგებისათვის მაღალკვალიფიციური კადრების მომზადებაში შეტანილი პირადი დიდი წვლილისათვის, ნაყოფიერი სამეცნიერო -პედაგოგიური და ორგანიზაციული საქმიანობისათვის მოღვაწეობისათვის

• სამკურნალო მცენარეთა მავნებლები და დაავადებები : სახელმძღვ. უმაღლ. სასწ. სტუდ. (თანაავტორი). - თბილისი, ფირმა "მერაბ აბელაშვილი", 2009. - 116გვ.
• მცენარეთა ეკოლოგია : სახელმძღვ. უმაღლ. სასწ. სტუდენტებისათვის (თანაავტორი). - თბილისი, ფირმა "მერაბ აბელაშვილი", 2003. - 278 გვ.
• მოყვანის მეთოდები ზოგიერთი სამკურნალო მცენარისათვის (თანაავტორი). - თბილისი, კუნა გეორგიკა, 2001. - 51გვ.