თედო ნინიძე

დაბადების ადგილი: სოფელი ასკანა, ოზურგეთის რაიონი. 

დაამთავრა თბილისის სახელმწიფო უნივერსიტეტის იურიდიული ფაკულტეტი 1971 წელს; 1974 წელს სსრკ სახელმწიფოსა და სამართლის ინსტიტუტის ასპირანტურა; სწავლობდა უცხო ენების პედაგოგიურ ინსტიტუტში გერმანული ენისა და ლიტერატურის ფაკულტეტზე.

1971-1975წწ. მუშაობდა საქართველოს მეცნიერებათა აკადემიის ეკონომიკისა და სამართლის ინსტიტუტში ჯერ უმცროს, შემდეგ უფროს მეცნიერ-თანამშრომლად; 1978-1984წწ. საქართველოს კომპარტიის ცენტრალურ კომიტეტში ადმინისტრაციულ ორგანოთა განყოფილების ინსტრუქტორად; 1984-1988წწ. საქართველოს იუსტიციის მინისტრის მოადგილედ; 1988-1992წწ. ჟურნალ "სამართლის" მთავარ რედაქტორად; 1990-1991წწ. საქართველოს რესპუბლიკის პირველი მოწვევის უმაღლესი საბჭოს წევრი, საარჩევნო ბლოკი: საქართველოს ერთიანი კომუნისტური პარტია, საარჩევნო ფორმა: პარტიული სიით; ხელი აქვს მოწერილი საქართველოს სახელმწიფოებრივი დამოუკიდებლობის აღდგენის აქტზე (1991 წლის 9 აპრილი); საქართველოს რესპუბლიკის სახელმწიფო საბჭოს წევრი (1992); 1992-1993წწ. იყო საქართველოს გენერალურ პროკურორი; 1993-1998წწ. საქართველოს იუსტიციის მინისტრი; 1998-2003წწ.  საქართველოს იუსტიციის საბჭოს წევრი; 2003 წლიდან მუშაობს თბილისის სახელმწიფო უნივერსიტეტში სრულ პროფესორად; 2014 წლიდან "ჯეი ენდ თი ქონსალთინგის" მოწვეული ექსპერტი. გამოქვეყნებული აქვს სამეცნიერო ნაშრომები და მონოგრაფია. იურიდიულ მეცნიერებათა დოქტორი, პროფესორი.

წყარო: ვინ ვინაა საქართველოში: ქართული ბიოგრაფიული ცნობარი. –  თბ., 1998-1999. - გვ. 256;  საქართველოს პარლამენტის წევრები 1990-2015 / კობა ამირხანაშვილი.- თბ.-2015.-გვ. 277; საქართველოს პარლამენტის ვებგვერდი: parliament.ge; საქართველოს იუსტიციის უმაღლესი საბჭო: web.archive.org; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.364

• საქართველოს იუსტიციის უმაღლესი საბჭო, წევრი (1998-2003)
• საქართველოს რესპუბლიკის პირველი მოწვევის უზენაესი საბჭო, წევრი (1990-1991)
• საქართველოს საკონსტიტუციო კომისია, წევრი (1993-1995)

• 1999 - ღირსების ორდენი
  საქართელოს კონსტიტუციისა და სამოქალაქო კანონმდებლობის შემუშავებაში შეტანილი პირადი დიდი წვლილისა და კანონმდებლობის საქმიანობაში აქტიური მონაწილეობისათვის, აგრეთვე ნაყოფიერი სახელმწიფოებრივი მოღვაწეობისათვის

• მეწარმეთა შესახებ კანონის კომენტარი (თანაავტორი). - თბილისი, სამართალი, 1998. - 439გვ.
• თანამედროვეობის ძირითადი სამართლებრივი სისტემები (მთარგმნელი). - თბილისი, განათლება, 1993. - 432გვ.. - ISBN: 5-505-01423-2