დავით მუმლაძე

დაბადების ადგილი: ქ. ხონი.

დაამთავრა თბილისის სახელმწიფო უნივერსიტეტის იურიდიული ფაკულტეტი 1986 წელს, ასპირანტურა 1989 წელს.

1991-1996წწ. მუშაობდა შინაგან საქმეთა სამინისტროს და სახელმწიფო უშიშროების სისტემაში იურიდიული სამსახურის უფროსად; 1993-1995წწ. საქართველოს კონსტიტუციის შემმუშავებელი სახელმწიფო კომისიის წევრი;1989-2007წწ. ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის დოცენტი, სისხლის სამართლის მიმართულების ასოცირებული პროფესორი; 2007 წლიდან კავკასიის უნივერსიტეტის პროფესორი; საქართველოს კერძო დაცვითი კომპანიების ასოციაციის პრეზიდენტი;1996-1997წწ. საქართველოს პარლამენტის იურიდიული დეპარტამენტის უფროსი; 2000-2001წწ. შემოსავლების მინისტრის პირველი მოადგილე; 2002-2003წწ. თბილისის მერიის ადმინისტრაციული ინსპექციის უფროსი; 2003-2004წწ. საქართველოს პრეზიდენტის რწმუნებული იმერეთში; 2004 წელს საქართველოს მე-6 მოწვევის პარლამენტის წევრი, საარჩევნო ბლოკი: "ბურჯანაძე - დემოკრატები", საარჩევნო ფორმა: მაჟორიტარული, მაჟორიტარი ზესტაფონის №51 საარჩევნო ოლქიდან; 2004 წელს შინაგან საქმეთა მინისტრის მოადგილე; 2011-2012წწ.  საქართველოს საგანგებო და სრულუფლებიანი ელჩი ყაზახეთის რესპუბლიკაში.  გამოქვეყნებული აქვს ნაშრომები კრიმინოლოგიის აქტუალურ საკითხებზე. მინიჭებული აქვს სამხედრო წოდება – "პოლკოვნიკი".  მინიჭებული აქვს საგანგებო და სრულუფლებიანი დესპანის დიპლომატიური რანგი. სამართლის დოქტორი.

საკანდიდატო დისერტაციის თემა - "მიზეზობრიობის პრობლემის ევოლუცია კრიმინოლოგიაში", დაიცვა 1990 წელს.

წყარო: საქართველოს პარლამენტის ვებგვერდი: parliament.ge; ვინ ვინაა საქართველოში: ქართული ბიოგრაფიული ცნობარი. –  თბ., 1998-1999. - გვ. 241; საქართველოს პარლამენტის წევრები 1990-2015/კობა ამირხანაშვილი.- თბ., 2015.- გვ.264;  დამოუკიდებელი საქართველოს ელჩები, 1991-2021: ნაწილი 1/ ჭუმბურიძე, ზვიად. - თბ., 2021. გვ.121

• საქართველოს იუსტიციის საბჭო, წევრი-მდივანი (1997-2000)
• საქართველოს კერძო დაცვისა და უსაფრთხოების სამსახურების ასოციაცია, პრეზიდენტი
• საქართველოს მე-6 მოწვევის პარლამენტი, წევრი (2004-2008)