გიორგი გუნია

დაბადების ადგილი: ქ. თბილისი.

დაამთავრა საკავშირო კინემატოგრაფიის სახელმწიფო ინსტიტუტის სარეჟისორო ფაკულტეტი 1934 წელს.

20–იან წლებში მუშაობდა გ. პლეხანოვის სახელობის თეატრში; 1928 წლიდან კინოში მსახიობად და დამდგმელ რეჟისორად; გადაღებულია ფილმებში: "ნამდვილი კავკასიელი" (1931), "მზაღო და გელა" (1933); მეორე რეჟისორად იმუშავა ქართულ მხატვრულ ფილმებზე: "ჭრიჭინა" (1954), "ორი ოკეანის საიდუმლოება" (1955), "მე ვიტყვი სიმართლეს" (1957), "მაიაკოვსკი იწყებოდა ასე..." (1958), "განგაში" (1968); 1965 წელს მისი რეჟისორობით აღდგა და გახმოვანდა ფილმი – "ახალგაზრდობა იმარჯვებს"; 1947-1954წწ. თბილისის კინოსტუდიის ქრონიკის სექტორში, როგორც დამდგმელმა რეჟისორმა, გადაიღო ფილმები: "ბალნეოლოგიური კურორტი" (1947), "კულტურის კერა" (1948), "სიჭაბუკისა და სილამაზის დღესასწაული" (1950), "იალბუზზე ასვლა" (1950), "ჭიათურა" (1951), "მეხილეობა" (1953); კინორეჟისორი.

წყარო: საქართველო: ენციკლოპედია: ტ.2. – თბ., 2012. – გვ.205

• 1961 - საქართველოს ხელოვნების დამსახურებული მოღვაწე