კახი კავსაძე

დაბადების ადგილი: ქ. თბილისი.

დაამთავრა შოთა რუსთაველის სახელობის თეატრალური ინსტიტუტის სამსახიობო ფაკულტეტი 1959 წელს.

1959 წლიდან რუსთაველის სახელობის აკადემიური თეატრის მსახიობია. აღსანიშნავი როლებია: ადამი ("ღვთაებრივი კომედია"), თავადი კოწია ("გუშინდელნი"), დევდარიანი ("საბრალდებო დასკვნა"), ილიკო ("მე, ბებია, ილიკო და ილარიონო"), სიმონ ჩაჩავა("კავკასიური ცარცის წრე"), ლორდ ჰასტინგსი ("რიჩარდ III"), კენტი ("მეფე ლირი"), რასპუტინი ("კვაჭი კვაჭანტირაძე"), ბატონი დევი ("მერე რა, რომ სველია სველი იასამანი"). კინოში მისი დებიუტი შედგა 50–იანი წლებიდან; 70-ზე მეტ მხატვრულ, დოკუმენტურ, მოკლე და სრულმეტრაჟიან ფილმშია გადაღებული. მსახიობ ბელა მირიანაშვილის მეუღლე, საოპერო მომღერლის იმერი კავსაძის ძმა. 

წყარო: ვინ ვინაა საქართველოში: ქართული ბიოგრაფიული ცნობარი. –  თბ., 1998-1999. - გვ. 164; ეროვნული ფილმოგრაფიის არქივი: web.archive.org; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.185; კარგ ქართველთა საფლავები: geonecropol.ge

• საქართველოს კინემატოგრაფისტთა შემოქმედებითი კავშირი, წევრი

• 2010 - შოთა რუსთაველის სახელობის სახელმწიფო პრემია
• 2009 - კოტე მარჯანიშვილის სახელობის პრემია
• 2001 - იპოლიტე ხვიჩიას სახელობის პრიზი "იპო"
• 1998 - ღირსების ორდენი
  ქართული თეატრალური ხელოვნების განვითარების, მისი პოპულარიზაციისა და აღმავლობის საქმეში შეტანილი პირადი დიდი წვლილისათვის
• 1989 - ქალაქ დუშანბეს საკავშირო კინოფესტივალის პრემია
• 1981 - საქართველოს სახალხო არტისტი
• 1976 - საქართველოს დამსახურებული არტისტი