გიორგი გურგენიძე

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1985 წელს.

1985-1997წწ. ეწეოდა სამეცნიერო–კვლევით და პედაგოგიურ მოღვაწეობას თბილისის სახელმწიფო სამედიცინო ინსტიტუტის ალერგოლოგიისა და შინაგან სნეულებათა კათედრებზე; იყო აღნიშნული კათედრების პროფესორი; 2003 წლიდან აკადემიკოს ო. ღუდუშაურის სახელობის ეროვნული სამედიცინო ცენტრის თერაპიული სამსახურის უფროსი, შემდეგ ამავე ცენტრის შინაგან სნეულებათა დეპარტამენტის მთავარი სპეციალისტი; მისი კვლევის ძირითადი მიმართულებაა კონსტიტუციური თავისებურებების(ანომალიების) შესწავლა ატოპიურ დაავადებათა დროს და მათი კორეგირების გზები, სტეროიდ–რეზისტენტული ბრონქული ასთმით დაავადებულთა კლინიკურ–იმუნოლოგიური თავისებურებების გამოვლენა, მათი კორექციის გზების ძიება; გამოქვეყნებული აქვს მრავალი სამეცნიერო სტატია, მათ შორის ერთი სახელმძღვანელო; თერაპევტი, მედიცინის მეცნიერებათა დოქტორი (1995), პროფესორი (2000).

წყარო: საქართველო: ენციკლოპედია: ტ.2. – თბ., 2012. – გვ.212; საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.317

• საქართველოს ალერგოლოგთა და იმუნოლოგთა ასოციაცია, წევრი
• საქართველოს რესპირაციული საზოგადოება, წევრი

• კუჭისა და თორმეტგოჯა ნაწლავის წყლულოვან დაავადებათა და გასტროეზოფაგური რეფლუქს-დაავადების დიაგნოსტიკისა და მკურნალობის თანამედროვე პრინციპები : მეთოდ. რეკომენდაციები (შემდგენელი). - თბილისი, შპს "თობალისი", 2006. - 64გვ.