არჩილ მამულაძე

დაბადების ადგილი: შუახევის რაიონი, სოფელი ნენია.

დაამთავრა ქ. ბათუმის კულტურულ-საგანმანათლებლო სასწავლებელი 1977 წელს; საქართველოს შრომისა და წარმოების ორგანიზაციის სახელმწიფო სამეცნიერო ინსტიტუტის სამეურნეო სამართლის ფაკულტეტი.

1977 წელს იყო შუახევის რაიონული კულტურის სახლის სამხატვრო ხელმძღვანელი; 1977-1987წწ. აჭარის სიმღერისა და ცეკვის სახელმწიფო ანსამბლის მომღერალი-მსახიობი; 1987-1997წწ. ხელვაჩაურის რაიონის კულტურის ცენტრის დირექტორი; ბათუმის და ხელვაჩაურის საშუალო სკოლებისა და ორგანიზაცია-დაწესებულებების პედაგოგი, სიმღერისა და ცეკვის ანსამბლის ხელმძღვანელი, დრამატული და საკონცერტო კოლექტივების ხელმძღვანელი; 1997 წლიდან ბათუმის თოჯინების თეატრის დირექტორი. დაწერილი აქვს სიმღერა "ჩემი მხარე". 

წყარო: ვინ ვინაა საქართველოში: ქართული ბიოგრაფიული ცნობარი. –  თბ., 1998-1999. - გვ. 211

• აჭარის ბავშვთა ფონდი, პრეზიდიუმის წევრი
• განათლების, კულტურისა და სპორტის ფონდი, კომისიის თავმჯდომარე (1999-)
• დემოკრატიული აღორძინების კავშირი, წევრი (1998-)

• საკავშირო და საერთაშორისო ფესტივალებისა და კონკურსების ლაურეატი