მურვან გურკლელი

XIII საუკუნის 60-იანი წლების ქართველი პოლიტიკური მოღვაწე(ვარაუდით გურკლელი ბეშქენ მახუნჯაგისძის სახლის წევრი, შესაძლოა ძმა); მოღვაწეობდა დავით VII ულუს კარზე; 1260 წელს მონღოლთა წინააღმდეგ აჯანყებული მეფის მხარეზე იბრძოდა ახალდაბასთან; XIII საუკუნის 60-იან წლებში იგი ტყვედ ჩაუვარდა სამცხე-ჯავახეთში შემოსეულ მონღოლთა რაზმს, რომელსაც ალათემური სარდლობდა; მან თავი დააღწია ტყეობას, შეკრიბა ლაშქარი და შეებრძოლა მტერს; ამის შემდეგ მისი გვარი წყაროებში აღარ იხსენიება; როგორც ჩანს, მომძლავრებულმა ჯაყელთა სახლმა წაართვა მათ მამული; სოფელ გურკელთან ერთად გურკლელთა სახლმა დაკარგა თავისი გვარწოდებაც.

წყარო: საქართველო: ენციკლოპედია: ტ.2. – თბ., 2012. – გვ.224