კონსტანტინე (მიტროპოლიტი)

დაბადების ადგილი: სოფელი ბალანთა, ბორჯომის რაიონი.

დაამთავრა ბორჯომის სატყეო ტექნიკუმი 1946 წელს; 1966 წელს თბილისის სასოფლო-სამეურნეო ინსტიტუტი მეტყევე-ინჟინრის კვალიფიკაციით.

1950-იანი წლებიდან მუშაობდა ჯერ ქ. ქლუხორის რაიონის სატყეო მეურნეობაში, შემდეგ ბორჯომ-ბაკურიანის სატყეო მეურნეობაში; 1972 წელს აკურთხეს დიაკვნად, 1973 წელს მღვდლად და დაინიშნა რუის-ურბნისის ეპარქიის სოფელ ატოცის წმიდა გიორგის ეკლესიის წინამძღვრად; 1974-1978წწ. მამა დიმიტრი მსახურობდა ხაშურის იოანე ნათლისმცემლის ეკლესიის წინამძღვრად; 1978 წელს იგი აღიკვეცა ბერად და ეწოდა სახელად კონსტანტინე, აყვანილ იქნა არქიმანდრიტის ხარისხში და 1978 წელს გამორჩეულ იქნა ურბნისის ეპარქიის ეპისკოპოსად; მეუფე კონსტანტინე 1979 წლიდან დაინიშნა საქართველოს საპატრიარქოს საგამომცემლო განყოფილების თავმჯდომარედ; 1980 წელს აყვანილ იქნა მთავარეპისკოპოსის ხარისხში და დაინიშნა სრულიად საქართველოს კათოლიკოს-პატრიარქის ქორეპისკოპოსად; 1995-2000წწ. მიტროპოლიტი კონსტანტინე განაგებდა მარგვეთის ეპარქიას.

წყარო: ვინ ვინაა საქართველოში: ქართული ბიოგრაფიული ცნობარი. –  თბ., 1998-1999. - გვ. 187; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ. 245; საქართველო: ენციკლოპედია: ტ.5. -თბ.,2023. -გვ. 154

• 1998 - ღირსების ორდენი
  საზოგადოების ერთიანობისა და ქართველი ერის სულიერ აღორძინებაში შეტანილი დიდი წვლილისათვის ძი შ