ლიანა ისაკაძე

დაბადების ადგილი: ქ. თბილისი.

დაამთავრა პეტრე ჩაიკოვსკის სახელობის მოსკოვის კონსერვატორია 1970 წელს.

1970–1992წწ. იყო მოსკოვის ფილარმონიის სოლისტი; 1981–1995წწ. საქართველოს სახელმწიფო კამერული ორკესტრის მხატვრული ხელმძღვანელი; 1965 წლიდან გასტროლებს მართავს საზღვარგარეთის მრავალ ქვეყანაში; 1974 წელს მის შესახებ გადაღებულია იაპონური დოკუმენტური ფილმი; 1975 წელს გადაღებულია ფინურ მხატვრულ ფილმში "სიბელიუსი"; გასული საუკუნის 90-იან წლებში მევიოლინეს შემოქმედება მჭიდროდ დაუკავშირდა გერმანიას; 1990 წელს ლიანა ისაკაძემ გერმანიის ქალაქ ინგოლშტადტში ჩაიყვანა საქართველოს კამერული ორკესტრი, რომელიც უკვე ოც წელზე მეტია "ინგოლშტადტის ქართული კამერული ორკესტრის" სახელით მოღვაწეობს; 1992 წელს ინგოლშტადტში დააარსა თავისი პედაგოგის დავით ოისტრახის სახელობის მუსიკალური აკადემია; ლ. ისაკაძე თანამედროვეობის ერთ-ერთი თვალსაჩინო მევიოლინეა; იგი ვუნდერკინდებს ეკუთვნოდა, 3 წლის ასაკში გახდა მევიოლინე; მისი დაკვრა გამოირჩევა არტისტიზმით, ღრმა მუსიკალურობით, ვირტუოზულობით; მის რეპერტუარშია კლასიკური და თანამედროვე მუსიკის საუკეთესო ნიმუშები; ქართველი კომპოზოტორების მთელი რიგი ახალი ნაწარმოებების (მაგ. ო. თაქთაქიშვილის სავიოლინო კონცერტი) პირველი შემსრულებელია; არის კლასიკური მუსიკის ფესტივალის ბათუმის "ღამის სერენადები"-ს ორგანიზატორი; ქართველი მევიოლინე.

წყარო: ვინ ვინაა საქართველოში: ქართული ბიოგრაფიული ცნობარი. – თბ., 1996 – 97. – გვ. 99; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.130

• 2016 - ბათუმის საპატიო მოქალაქე
• 2016 - თბილისის საპატიო მოქალაქე
• 1998 - ღირსების ორდენი
  მუსიკალური ხელოვნების განვითარების, მისი პოპულარიზაციის საქმეში შეტანილი პირადი დიდი წვლილისა და ნაყოფიერი შემოქმედებითი მოღვაწეობისათვის
• 1979 - ზაქარია ფალიაშვილის სახელობის პრემია
• 1974 - საქართველოს სახალხო არტისტი
• 1970 - სიბელიუსის სახელობის კონკურსი(ჰელსინკი), I პრემია
• 1970 - პეტრე ჩაიკოვსკის სახელობის საერთაშორისო კონკურსი, III პრემია (მოსკოვი)
• 1965 - მარგარიტ ლონგისა და ჟაკ ტიბოს სახელობის კონკურსი, I პრემია (პარიზი)
• 1961 - მუსიკოს-შემსრულებელთა საკავშირო კონკურსი, II პრემია
• 1957 - ამიერკავკასიის მუსიკოს-შემსრულებელთა კონკურსი ( I კონკურსი)
• 1956 - რესპუბლიკის ფესტივალი, I პრემია
• საპატიო ნიშნის ორდენი