ვლადიმერ გძელიძე

დაბადების ადგილი: ონის რაიონი, სოფელი ბარი.

1917 წლიდან მუშაობდა თბილისის "კომპანია ზემელის" ლიმონათის ქარხანაში; 1922-1924წწ. ბაქოს ხილეულის წყლების წარმოებაში; 1924-1932წწ. ამიერკავკასიის რკინიგზის(ბაქო, ლენინაკანი, თბილისი) კვების ობიექტებში; 1932 წელს თბილისში მისი თაოსნობით ამოქმედდა ლიმონათის ქარხანა, სადაც იგი იყო უალკოჰოლო სასმელების დამზადების ოსტატ–სპეციალისტი და წარმოების ხელმძღვანელი; 1947-1951წწ. მოსკოვში, მაქსიმ გორკის ქუჩაზე, საქვაჭრობის საფირმო მაღაზიაში ფუნქციონირებდა მისი ხილეულის წყლების სექცია; 1950 წელს მიიწვიეს სომხეთის მინერალური წყლების ტრესტში, ოსტატ–მეკუპაჟეებისათვის უალკოჰოლო სასმელების დამზადების გამოცდილების გასაზიარებლად; ამ პერიოდში ერევნის ლუდისა და ლიმონათის ქარხანაში მისი ხელმძღვანელობით ამზადებდნენ ხილეულის წყლების უალკოჰოლო სასმელებს; თავისი საქმიანობით მრავალჯერ დაიმსახურა მაღალი შეფასება; 1955 წელს სსრ კავშირის ვაჭრობის სამინისტრომ მას მიანიჭა "ხილეულის წყლებისა(ლიმონათი) და I კატეგორიის ბურახის დამზადების ოსტატის" წოდება; მეწარმე, ხილეულის წყლებისა და უალკოჰოლო სასმელების დამზადების სპეციალისტი.

წყარო: საქართველო: ენციკლოპედია: ტ.2. – თბ., 2012. – გვ.239