ავთანდილ გიორგაძე

დაამთავრა თბილისის სახელმწიფო სამედიცინო ინსტიტუტი 1957 წელს.

1957–1959წწ. - კურორტ აბასთუმნის ტუბსაავადმყოფოს ქირურგიული განყოფილების ორდინატორი; 1960–1963წწ. - ტუპერკულიოზის სამეცნიერო კვლევითი რესპუბლიკური ინსტიტუტის ქირურგიული განყოფილების ასპირანტი; 1965–1992წწ. - ამავე ინსტიტუტის დიაგნოსტიკური განყოფილების უფროსი მეცნიერ-თანამშრომელი; 1993 წლიდან აღნიშნული ინსტიტუტის წამყვანი მეცნიერ-თანამშრომელი. მისი კვლევის თემა: აბსცედირებული პნევმონიების, ფილტვების დიდი აბსცესების და პლევრის მწვავე ემპიემების კომპლექსური მკურნალობა. ავტორია 43 სამეცნიერო ნაშრომის ფთიზიატრიისა და პულმონოლოგიის აქტუალურ საკითხებზე. ფთიზიო–პულმონოლოგი, მედიცინის მეცნიერებათა დოქტორი  (1995).

საკანდიდატო დისერტაციის თემა - "თირკმელზედა ჯირკვლის ფუნქციის შესწავლა ფილტვების ტუპერკულოზით დაავადებულ ავადმყოფებში ქირურგიული ჩარევების დროს", დაიცვა 1965 წელს; სადოქტორო დისერტაციის თემა - "აბსცედირებული პნევმონიების, ფილტვების დიდი აბსცესების და პლევრის მწვავე ემპიემების კომპლექსური მკურნალობა", დაიცვა 1995 წელს.

წყარო: ვინ ვინაა თანამედროვე ქართულ სამედიცინო მეცნიერებაში: თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.67; საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.313

• ფიზიო–პულმონოლოგიური ასოციაცია, წევრი

• ტუბერკულოზი : სახელმძღვ. უმაღლ. სასწ. სტუდენტებისა და ექიმებისათვის (თანაავტორი). - თბილისი, 1999. - 248გვ.