ნიკოლოზ ვახანია

დაბადების ადგილი: ქ. ქუთაისი.

დაამთავრა თბილისის სახელმწიფო უნივერსიტეტის ფიზიკის ფაკულტეტი 1954 წელს, 1957 წელს მოსკოვის სახელმწიფო უნივერსიტეტის მექანიკა-მათემატიკის ფაკულტეტის ასპირანტურა. 1957 წლიდან გამოთვლითი მათემატიკის ინსტიტუტის უმცროსი მეცნიერ-თანამშრომელი; 1961-2008წწ. სამეცნიერო განყოფილების ხელმძღვანელი; 1979-2005წწ. დირექტორი; 1964 წლიდან თბილისის სახელმწიფო უნივერსიტეტის დოცენტი, პროფესორი, კათედრის გამგე და ასევე ფაკულტეტის დეკანი; 1970 წლიდან ამავე უნივერსიტეტის შემთხვევით პროცესთა თეორიის კათედრის გამგე; კითხულობდა ლექციებს უცხოეთის წამყვან უნივერსიტეტებში.  ავტორია საქართველოსა და საზღვარგარეთ გამოქვეყნებული 100-ზე მეტი სამეცნიერო ნაშრომისა და 2 მონოგრაფიის. 

საკანდიდატო დისერტაციის თემა - "სასაზღვრო ამოცანები სიმის რხევის განტოლებისთვის სწორკუთხოვან არეებში", დაიცვა 1958 წელს; სადოქტორო დისერტაციის თემა - "წრფივ სივრცეებში ალბათურ განაწილებათა თეორიის საკითხები", დაიცვა 1969 წელს.

წყარო: ვინ ვინაა საქართველოში: ქართული ბიოგრაფიული ცნობარი. –  თბ., 1998-1999. - გვ. 128; თბილისის სახელმწიფო უნივერსიტეტი: tsu.ge; წიგნი ღირსებისა: ტ. 5/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.319

• ენციკლოპედია "საქართველოს" მთავარი სამეცნიერო საბჭო, წევრი
• მათემატიკის სამეცნიერო-საკონსულტაციო საბჭო, ხელმძღვანელი
• საქართველოს მეცნიერებათა აკადემია, აკადემიკოსი (2001-2014)

• 2000 - ღირსების ორდენი
• 2000 - ივანე ჯავახიშვილის სახელობის მედალი
• 1992 - ანდრია რაზმაძის სახელობის პრემია
• 1976 - ივანე ჯავახიშვილის სახელობის მედალი