დურსუნ ბალაძე

დაბადების ადგილი: სოფელი წყავროკა, ქობულეთის რაიონი.

დაამთავრა თბილისის სახელმწიფო უნივერსიტეტი 1956 წელს.

1971 წლიდან ფიზიკა-მათემატიკის მეცნიერებათა დოქტორი. 1972–1978წწ. თბილისის სახელმწიფო უნივერსიტეტის ზოგადი მათემატიკის კათედრის პროფესორი; 1978–1991წწ. ბათუმის შოთა რუსთაველის სახელობის სახელმწიფო პედაგოგიური ინსტიტუტის რექტორი; 1991 წლიდან იყო ბათუმის უნივერსიტეტის მათემატიკის კათედრის გამგე; მისი ძირითადი შრომები ეხება ტოპოლოგიურ სივრცეთა ჰომოლოგიის თეორიის საკითხებს; შემოიღო კოეფიციენტის ჯგუფთა წყვილის მიმართ აღებული ჰომოლოგიები (კოჰომოლოგიები), განიხილა პარამეტრიანი ჰომოლოგიები (სადაც პარამეტრი რომელიმე ნებისმიერი კომპლექსია), შეისწავლა ნებისმიერი კომპლექსის ჰომოლოგიების (კოჰომოლოგიების) აპროქსიმაცია მისი სასრული კომპლექსების ჰომოლოგიებით (კოჰომოლოგიებით). 

წყარო: საქართველო: ენციკლოპედია: ტ.I.–თბ., 1997.–გვ.344; წიგნი ღირსებისა: ტ. 5/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.82

• აჭარის ასრრ X მოწვევის უმაღლესი საბჭო , დეპუტატი
• აჭარის ასრრ XI მოწვევის უმაღლესი საბჭო , დეპუტატი
• საქართველოს მეცნიერებათა აკადემია, წევრ–კორესპონდენტი (1988-2004)

• 2000 - ღირსების ორდენი

• მათემატიკა : პროგრამა დაწყ. განათლ. პედ. და მეთოდ. სპეც. (რედაქტორი). - ბათუმი, 2003. - 16გვ.