ლევან ფალიაშვილი

დაბადების ადგილი: ქ. თბილისი.

დაამთავრა ვანო სარაჯიშვილის სახელობის თბილისის სახელმწიფო კონსერვატორია 1922 წელს.

სხვადასხვა დროს ასწავლიდა თეორიულ საგნებს თელავის, ქუთაისის და თბილისის სამუსიკო სასწავლებლებში; 1933–1953წწ. იყო სასწავლო ნაწილის გამგედ და ასწავლიდა თეორიულ საგნებს თბილისის II სამუსიკო სასწავლებელში; 1933–1975წწ. ვ. სარაჯიშვილის სახელობის თბილისის სახელმწიფო კონსერვატორიის პედაგოგი; 1938–1941წწ. მუსიკალური თეორიის კათედრის გამგე; ავტორია: ოპერებისა – "დედა და შვილი", "ვეფხისტყაოსანი"(1922, 1925, ორივე საკონცერტო შესრულებით), "იავნანა"(1933, 1963 წელს დაიდგა თბილისის ოპერისა და ბალეტის თეატრში); კანტატა(1938), საორკესტრო და საფორტეპიანო ნაწარმოებები, გუნდები, რომანსები; ავტორია რამდენიმე წიგნის(ჰარმონიის სახელმძღვანელო მუსიკალური სასწავლებლებისა და კონსერვატორიის სტუდენტებისათვის); მუსიკათმცოდნე.

წყარო: ქართული საბჭოთა ენციკლოპედია: ტ. 10. - თბ., 1986. – გვ. 215; Композиторы грузии: Издание второе. – тб., 1973. - გვ. 175

• 1967 - საქართველოს სახალხო არტისტი
• საპატიო ნიშნის ორდენი

• ჰარმონია : სახელმძღვ. მუს. სასწ. და კონსერვატორიის სტუდ. (ავტორი). - თბილისი, ცოდნა, 1963. - 283გვ.
• მუსიკის ელემენტარული თეორიის სახელმძღვანელო (ავტორი). - თბილისი, ცოდნა, 1958. - 224გვ.