მიტროპოლიტი გერასიმე

დაბადების ადგილი: ქ. ზუგდიდი.

დაამთავრა თბილისის სახელმწიფო პოლიტექნიკური ინსტიტუტის ელექტროკავშირგაბმულობის ფაკულტეტი.

1978-1983წწ. მუშაობდა თბილისის სამონტაჟო სამმართველოში; 1990-1992წწ. ერთობლივი საწარმო "თბილისილინკის" დირექტორის მოადგილე; 1992-1997წწ. მოსკოვის შპს "ვოლუს" დირექტორის მოადგილე. 1997 წელს  განწესებულ იქნა ურბნისისა და რუისის ეპარქიაში; ამავე წელს ბერად აღიკვეცა და ეწოდა სახელი გერასიმე; 1997 წელს აკურთხეს იეროდიაკვნად, შემდეგ კი მღვდელმონაზვნად და დაინიშნა წრომის ამაღლების სახელობის საკათედრო ტაძრის წინამძღვრად; 1998 წელს სოფელ პატარძეულის ეკლესიის მოძღვრად და საეპარქიო საბჭოს მდივნად დაინიშნა; ეკლესიაში ერთგული მსახურებისათვის, უწმინდესმა და უნეტარესმა, საქართველოს კათოლიკოს-პატრიარქმა ილია II-მ საპატრიარქო ტაძარში მღვდელ მონაზონი გერასიმე აღამაღლა იღუმენის ხარისხში; 1998 წლის 8 ოქტომბერს საქართველოს სამოციქულო ეკლესიის წმ. სინოდის კრებაზე იღუმენი გერასიმე გამორჩეულ იქნა ზუგდიდისა და ცაიშის ეპარქიის ეპისკოპოსად; 2002 წელს დაინიშნა საქართველოს საპატრიარქოს საფინანსო-ეკონომიკური საბჭოს თავმჯდომარედ, შემდგომ საპატრიარქოს საგარეო საქმეთა განყოფილების თავმჯდომარედ; 2003 წლიდან მეუფე გერასიმე საქართველოს კათოლიკოს-პატრიარქის ქორეპისკოპოსია. 2006 წელს აყვანილ იქნა მთავარეპისკოპოსის ხარისხში; 2007 წელს 1998 წელს დაჯილდოვდა ოქროს ჯვრის ტარების უფლებით; საქართველოს, სერბეთის, საბერძნეთის, რუსეთის, უკრაინის, ჩეხეთისა და სლოვაკეთის საეკლესიო ორდენები; აყვანილ იქნა მიტროპოლიტის ხარისხში. კათედრა ზუგდიდსა და ცაიშში, რეზიდენცია ზუგდიდსა და წალენჯიხაში. 

წყარო: ვინ ვინაა საქართველოში: ქართული ბიოგრაფიული ცნობარი. –  თბ., 1998-1999. - გვ. 83; საქართველოს საპატრიარქოს ვებგვერდი: patriarchate.ge