ედიშერ ბაგრატიონი

დაბადების ადგილი: ქ. თბილისი.

დაამთავრა თბილისის სამხატვრო აკადემია 1953 წელს.

მუშაობდა საპროექტო ინსტიტუტში "საქქალაქმშენსახპროექტში". 1969 წლიდან იყო "სახმშენის" მთავარი სპეციალისტი, 1975–1985წწ. ხელმძღვანელობდა საბინაო-სამოქალაქო მშენებლობის განყოფილებას, 1985-1989წწ. იყო ქალაქთმშენებლობის განყოფილების უფროსი, 1989  წლიდან არქიტექტურისა და მშენებლობის საქმეთა სამინისტროს ქალაქთმშენებლობის სამმართველოს უფროსი, 1957–1975წწ. ეწეოდა პედაგოგიურ საქმიანობას. ძირითადად მუშაობდა ქალაქთგეგმარების დარგში. ავტორია ქალაქების: გურჯაანის(1954), ზესტაფონის(1955), სოხუმის(1958), მცხეთის(1956, 1972), ქალაქკურორტების–გაგრის(1959, 1976), ბორჯომის(1957, 1970, 1989)  გენერალური გეგმებისა, აგრეთვე მრავალი დასახლებული პუნქტის დეტალური დაგეგმარების პროექტისა(ყველა ავტორთა ჯგუფთან ერთად).

წყარო: საქართველო: ენციკლოპედია: ტ.I.–თბ., 1997.–გვ.319; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.267

• 1998 - ღირსების ორდენი
  სამშენებლო სფეროში მიღწეული წარმატებისთვის, მსხვილი ობიექტების მშენებლობაში შეტანილი დიდი წვლილისა და შენობა-ნაგებობების აღდგენა-რესტავრაციის დროს გამოჩენილი მაღალი პროფესიონალიზმისათვის
• 1983 - საქართველოს დამსახურებული არქიტექტორი

• სპორტული ნაგებობები : დამხმ. სახელმძღვ. ფიზკულტ. ინ-ტის სტუდ. (ავტორი). - თბილისი, ცოდნა, 1964. - 75გვ.