გიორგი ჩუბინიშვილი

დაბადების ადგილი: ქ. თბილისი.

მუსიკალური განათლება მიიღო თბილისის სათავადაზნაურო გიმნაზიაში; აქვე დიდი ყურადღება მიაქცია ზ. ფალიაშვილმა, რომელიც ასწავლიდა საგუნდო სიმღერას, მანვე გაანაწილა სასწავლებლად ცნობილ კომპოზიტორ, მევიოლინე და პედაგოგ ა. ყარაშვილთან; 1907–1911წწ. მღეროდა ცნობილ მომღერალ და ქორმეისტერ ი. რატილის გუნდში; 1911 წლიდან როგორც მომღერალი გამოდის საქართველოს ქალაქებსა და ასევე რუსეთში; 1927–1928წწ. მუშაობდა ზ. ფალიაშვილის სახელობის თბილისის ოპერისა და ბალეტის თეატრის დირექტორის მოადგილედ; მოგვიანებით დაიწყო საკომპოზიტორო შემოქმედება; მთლიანად შემოიფარგლა კამერულ–ვოკალური ჟანრით; ავტორია გახმაურებული რომანსებისა და სიმღერების (ორმოცზე მეტი), მათ შორისაა: პირველი რომანსი "რა ტურფა, რა ლამაზია" (1914, ვაჟა–ფშაველას ლექსის მიხედვით); "დარჩი", "ოდეს გამშორდი", "სალამური" (სამივე ა. შნშიაშვილის ლექსზე); "ქალო, გნახე ფეხშიშველი", "ხმა გულისა", "სევდა", "მუხამბაზი" (ვაჟა–ფშაველას, ი. ჭავჭავაძის, ა. წერეთლის ლექსებზე); ვოკალური დუეტები, გუნდები; გამოცემულია მისი სანოტო კრებული 1957, 2001. სარომანსო ჟანრის ერთერთი პირველი ავტორი საქართველოში.

წყარო: Композиторы грузии: Издание второе. – тб., 1973. - გვ. 249; ქართული საბჭოთა ენციკლოპედია: ტ.11.- თბ.,1987.–გვ.165; ქართული მუსიკის ენციკლოპედიური ლექსიკონი.–თბ.,2015.–გვ.538

• საბჭოთა კავშირის კომუნისტური პარტია, წევრი (1917-19??)