არშუშა ( პიტიახში)

არშუშა პიტიახში იყო ქართლის ერთ–ერთი მთავარი VI საუკუნის 40–იან წლებში. მოხსენიებულია "ევსტათი მცხეთელის მარტვილობაში" ქართლის მარზპანის არვანდ გუშნასპის გასაცილებლად მოსულ ქართლის მთავრებს შორის. არშუშა პიტიახში სახელისა და ტიტულის მიხედვით ქვემო ქართლის პიტიახშთა ცნობილ საგვარეულოს უნდა ეკუთვნოდეს. ის V საუკუნეში ცნობილი არშუშა ქართლის პიტიახშის შთამომავალი უნდა იყოს სახელის დარქმევის წესის მიხედვით.

წყარო: საქართველო: ენციკლოპედია: ტ.I.–თბ., 1997.–გვ.219