გიორგი დადიშქელიანი

დაბადების ადგილი: დაბა მესტია.

დაამთავრა თბილისის კლასიკური გიმნაზია და იუნკერთა სასწავლებელი.

1876 წლიდან მსახურობდა ერევნის ლაიბგვარდიის გრენადერთა პოლკში; 1877-1878წწ. მონაწილეობდა რუსეთ–ოსმალეთის ომში; 1885 წლიდან მუშაობდა ქუთაისის გუბერნიაში ოზურგეთის, ზუგდიდის, რაჭის, ქუთაისის მაზრების უფროსის მოადგილედ და უფროსად, ქუთაისის ვიცე–გუბერნატორად; 1906 წელს გადაიყვანეს ყარსის ოლქის გუბერნატორად; 1908 წლიდან დაღესტნის სამხედრო გუბერნატორის თანაშემწედ; 1912-1915წწ. სამხედრო სამსახურთან ერთად ბაქოს ოკრუგის საპატიო სამოქალაქო მოსამართლის მოვალეობასაც ასრულებდა; 1915-1917წწ. იყო დაღესტნის სამხედრო გუბერნატორი; 1917 წლიდან თადარიგში გადავიდა. მიღებული აქვს საფრანგეთის საპატიო ლეგიონის ორდენის კომანდორის ჯვარი. რუსეთის არმიის გენერალ–მაიორი (1917).

წყარო: საქართველო: ენციკლოპედია: ტ.2. – თბ., 2012. – გვ.257

• წმინდა სტანისლავის ორდენი
• წმინდა ანას ორდენი
• წმინდა ვლადიმირის ორდენი