თინათინ ვაწაძე

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1946 წელს.

1946–1950წწ. იყო კლინიკური და ექსპერიმენტული კარდიოლოგიის ინსტიტუტის ლაბორანტი; 1950–1963წწ. ფუნქციური დიაგნოსტიკისკაბინეტის გამგე; 1963–1980წწ. უფროსი მეცნიერ–თანამშრომელი; 1980–1985წწ. ჰემოდინამიკის ლაბორატორიის ხელმძღვანელი; 1985–1995წწ. ფუნქციური კვლევის განყოფილების გამგე. ავტორია 120 სამეცნიერო ნაშრომის, ექვსი მეთოდური რეკომენდაციის, ერთი რაციონალიზატორული წინადადების და ერთი დიპლომირებული გამოგონებისა. მისი ხელმძღვანელობით შესრულებული და დაცულია 9 საკანდიდატო და 3 სადოქტორო დისერტაცია, 30 საკანდიდატო დისერტაცია და 5 სადოქტორო დისერტაციის ფრაგმენტი. აქვს ხელნაწერი მონოგრაფია: "სისხლის მიმოქცევის დინამიკა და მისი შესწავლის მეთოდები". ექიმი–კარდიოლოგი, მედიცინის მეცნიერებათა დოქტორი, პროფესორი.

საკანდიდატო დისერტაციის თემა - "უმაღლესი ნერვული მოქმედების გავლენა ექსპერიმენტული ათეროსკლეროზის მიმდინარეობაზე", დაიცვა 1962 წელს.

სადოქტორო დისერტაციის თემა - "სისხლის მიმოქცევის დინამიკა ჰიპერტონული დაავადების პროგრესირების დროს",  დაიცვა 1972 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.103

• კარდიოლოგთა სამეცნიერო საზოგადოება, წევრი

• 1986 - ჯანდაცვის სამინისტროს საპატიო სიგელი
• 1985 - შრომის ვეტერანი
• ინსტიტუტის საიუბილეო მედლები