შიო დავითაშვილი

დაბადების ადგილი: სოფელი ბრეთი, ქარელის რაიონი.

სწავლობდა თბილისის სასულიერო სემინარიაში, საიდანაც აკრძალული ლიტერატურის კითხვის გამო გარიცხეს; თბილისში ჩაება ე. იოსელიანის ხალხოსნურ წრეში; 1876 წელს რევოლუციურ პროპაგანდას ეწეოდა თბილისის მუშა–ხელოსნებში; 80–იან წლებში გორში დააარსა ხალხოსნური წრე "საიდუმლო კომიტეტი", რომელსაც კავშირი ჰქონდა "ნაროდნაია ვოლიას" აღმასკომთან; რევოლუციური პარტიის საჭიროებისათვის მონაწილეობა მიიღო გორის ხაზინიდან ფულის გატაცებაში; 1883 წლის 14 მარტს დააპატიმრეს და მეტეხის ციხეში ჩასვეს; პატიმრობიდან განთავისუფლების შემდეგ ცხოვრობდა გორში პოლიციის მეთვალყურეობის ქვეშ, შემდეგ ჩამოშორდა რევოლუციურ საქმიანობას. პოლიტიკური მოღვაწე, რევოლუციონერი, ხალხოსანი.

წყარო: საქართველო: ენციკლოპედია: ტ.2. – თბ., 2012. – გვ.279; ქართველ მოღვაწეთა ლექსიკონი, 1801-1952: ტ. I ა-დ / იოსებ იმედაშვილი.-თბ.,2018.-გვ.819

• ხალხოსნური მოძრაობა საქართველოში : მოგონებანი (ავტორი). - ტფილისი, პოლიტ-კატორღელთა საზ-ბის გამ-მა(წითელდროშოვანი სტ.), 1933. - 122გვ.
• "ჩატეხილი ხიდი" : "ოთარაანთ ქვრივის"-ს ბ. ილია ჭავჭავაძის მოთხრობის შესახებ / მკითხველის შენიშვნები. (ავტორი). - ტფილისი, გრ. ჩარკვიანის სტ., 1887. - 42გვ.