რუსუდან წურწუმია

დაბადების ადგილი: ქ. ფოთი.

დაამთავრა ვანო სარაჯიშვილის სახელობის თბილისის სახელმწიფო კონსერვატორია 1969 წელს(თეორიულ–საკომპოზიციო).

1969–1972წწ. ასწავლიდა მუსიკის თეორიისა და ისტორიის საგნებს ქ. ფოთის სამუსიკო სასწავლებელში; 1972 წლიდან იყო ხელოვნების სასწავლო დაწესებულებების მეთოდკაბინეტის მეთოდისტი, 1974 წლიდან ინსპექტორ–მეთოდისტი, 1975–1982წწ. საქართველოს კულტურის სამინისტროს სასწავლო დაწესებულებების განყოფილების უფროსი; 1974 წლიდან იყო თბილისის II სამუსიკო სასწავლებლის მუსიკის ისტორიის საგნების პედაგოგი; 1982 წლიდან გამომცემლობა "ხელოვნები"-ს მუსიკისა და ხალხური შემოქმედების რედაქციის გამგე; ვ. სარაჯიშვილის სახელობის თბილისის სახელმწიფო კონსერვატორიის სრული პროფესორი; 1986-2007წწ. თბილისის კონსერვატორიის პრორექტორი; იყო ტრადიციული მრავალხმიანობის საერთაშორისო სიმპოზიუმების საორგანიზაციო კომიტეტის თავმჯდომარის მოადგილე და სამეცნიერო პროგრამების ხელმძღვანელი, I, II, III საერთაშორისო სიმპოზიუმების კრებულების თანარედაქტორი; 2003-2007წწ. კოორდინაციას უწევდა იუნესკოს პროექტს "ქართული პოლიფონიის დაცვა და განვითარება"; პედაგოგიური და კვლევითი საქმიანობის სფეროა ქართული პროფესიული და ეთნომუსიკა; მისი ნაშრომებია: ქართული ხალხური სიმღერა დღეს - ცოცხალი პროცესი თუ სამუზეუმო ექსპონატი? (1997, სოციოლოგიური ანალიზის ცდა), ქართული ხალხური სიმღერა ათასწლეულების მიჯნაზე (1997), XX საუკუნის I ნახევრის ქართული მუსიკის ეროვნულ ტრადიციასთან დამოკიდებულების შესახებ (1998), XX საუკუნის II ნახევრის ქართული მუსიკის ეროვნულ ტრადიციასთან დამოკიდებულების შესახებ (2004), მრავალხმიანობის ქართული ხედვა (2007), ქართული მრავალხმიანობა თანამედროვე სოციო-კულტურულ კონტექსტში (2008); ხელოვნებათმცოდნეობის კანდიდატი, დაიცვა საკანდიდატო დისერტაცია  1983 წელს.

წყარო: Композиторы и музыковеды грузии. – тб., 1984. - გვ. 400; წიგნი ღირსებისა: ტ. 1/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2000. - გვ.395

• საბჭოთა კავშირის კომპოზიტორთა კავშირი, წევრი (1978-1991)

• 1996 - ღირსების მედალი
  საქართველოს კულტურის სამინისტროს სისტემის სახელოვნებო განათლების დარგში შეტანილი წვლილისათვის,ხანგრძლივი და ნაყოფიერი პედაგოგიური მოღვაწეობისათვის