დავითი

კვირიკეს II-ს ძე; კახეთის მთავარი; ატარებდა ქორეპისკოპოსის ტიტულს; მნიშვნელოვანი ციხესიმაგრეები ჰქონდა ქართლშიც; ებრძოდა გაერთიანებული საქართველოს მეფე ბაგრატ III–ს, რომელიც კახეთ–ჰერეთის შემოერთებისათვის იღვწოდა; 1008 წელს იძულებული გახდა მრავალრიცხოვანი ჯარით კახეთზე  გამოლაშქრებულ ბაგრატ III–თვის დაებრუნებინა ქართლის ციხეები(წირქვალი, გრუი); ამავე ლაშქრობის დროს ბაგრატ III–მ მოახერხა ჰერეთის დაპყრობა, მაგრამ როგორც კი მეფე გაბრუნდა, ჰერეთი განუდგა და დავითმა იგი კვლავ კახეთს შეუერთა.

წყარო: საქართველო: ენციკლოპედია: ტ.2. – თბ., 2012. – გვ.287