ანა აბაშიძე

ანა აბაშიძე იყო კახეთის დედოფალი, ერეკლე II-ის მეორე მეუღლე და ზაალ აბაშიძის ასული. ერეკლემ მასთან 1745 წელს იქორწინა, ჰყავდათ ორი შვილი–გიორგი (შემდეგში მეფე გიორგი XII) და თამარი. ანა დედოფალმა იყიდა, აღადგინა და განაახლა XVIII საუკუნის "სადღესასწაულო". ანდერძიდან ნათლად ჩანს, თუ რა სამუშაო გასწია ანა დედოფალმა. ანდერძი ნუსხურითაა შესრულებული: "ჩუენ დედოფალ-დედოფალმან ანამ, თანამეცხედრემან პატრონისა მეფეთ-მეფისაი ჰერაკლესამან, ვიყიდეთ ძუელი ესე ნაწერი თუენი და რაიცოდენ აკლდა, აღვაწერინეთ ახალი ესე დღეთა ჩუენთა წარსამართებლად და ცოდვათა ჩვენთა და ასულთა ჩუენთა აღსაორძინებლად და ცოდვათა ჩუენთა შესანდობლად. ამინ." მწიგნობარი.

წყარო: საქართველო: ენციკლოპედია: ტ.I.–თბ., 1997.–გვ.18; ძველი ქართველი მწიგნობარი ქალები /იზოლდა ქაფიაშვილი.-თბ.,1994.-გვ.140