მანანა ჯებაშვილი

დაბადების ადგილი: ქ. თბილისი. 

დაამთავრა თბილისის სახელმწიფო სამედიცინო ინსტიტუტი 1984 წელს.

1984-1986წწ. თბილისის სახელმწიფო სამედიცინო ინსტიტუტის ჰოსპიტალური თერაპიის კათედრა, კლინიკური ორდინატორი; 1986 წელს ჯანდაცვის სამინისტროს ექსპერიმენტული და კლინიკური თერაპიის სამეცნიერო-კვლევითი ინსტიტუტი, მეცნიერ- თანამშრომელი; 1992-1994წწ. საქართველოს მეცნიერებათა აკადემიის ფსიქოლოგიის სამეცნიერო კვლევით ინსტიტუტი, მეცნიერ-თანამშრომელი; არის ევროპის გასტროენტეროლოგთა კავშირში (ASNEMGE) ასოცირებული საქართველოს გასტროენტეროლოგთა და ჰეპატოლოგთა ნაციონალური ასოციაციის გენერალური მდივანი; პედაგოგიური მოღვაწეობა - თერაპიის ინსტიტუტის ბაზაზე არსებული სამედიცინო ინსტიტუტი, თბილისის სამედიცინო და სტომატოლოგიური ინსტიტუტები, თბილისის სახელმწიფო უნივერსიტეტის სამედიცინო ფსიქოლოგიის ფაკულტეტი და უწყვეტი სამედიცინო განათლების პროგრამა (2000-2007); 2004-2008წწ. საქართველოს მე-6 მოწვევის პარლამენტის წევრი, საარჩევნო ბლოკი: "ნაციონალური მოძრაობა - დემოკრატები", საარჩევნო ფორმა: პარტიული სიით; 2008-2012წწ. შრომის, ჯანმრთელობისა და სოციალური დაცვის მინისტრის მოადგილე. სამეცნიერო ნაშრომების ავტორი, მედიცინის მეცნიერებათა დოქტორი, პროფესორი.

საკანდიდატო დისერტაცის თემა - "პიროვნების ფსიქოადაპტაციური და ქარაქტეროლოგიური თავისებურებების მნიშვნელობა ღვიძლის ქრონიკული დაავადებების ფორმირებაში", დაიცვა 1991 წელს.

სადოქტორო დისერტაციის თემა - "პიროვნულ თავისებურებათა მნიშვნელობა კლიმაქტერიული სინდრომის ჩამოყალიბებაში ფსიქოსოციალური ფაქტორების გათვალისწინებით", დაიცვა 2001 წელს.

წყარო: საქართველოს პარლამენტის ვებგვერდი: parliament.ge; საქართველოს პარლამენტის წევრები 1990-2015 / კობა ამირხანაშვილი.- თბ.-2015.-გვ.425

• საქართველოს მე-6 მოწვევის პარლამენტი, წევრი (2004-2008)
• საქართველოს მე-6 მოწვევის პარლამენტის ფრაქცია "ნაციონალური მოძრაობა-დემოკრატები", წევრი (2004-2008)
• საქართველოს მე-6 მოწვევის პარლამენტის ჯანმრთელობის დაცვისა და სოციალურ საკითხთა კომიტეტი, წევრი (2004-2008)