ვაჟა ივერიელი

დაბადების ადგილი: ქ. ფოთი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1946 წელს.

1946–1950წწ. იყო რესპუბლიკური ცენტრალური კლინიკური საავადმყოფოს თერაპიული განყოფილების ექიმი–ორდინატორი; 1950–1953წწ. სსრკ მეცნიერებათა აკადემიის, აკადემიკოს პავლოვის სახელობის ფიზიოლოგიის ინსტიტუტის ასპირანტი; 1955–1958წწ. ენდოკრინოლოგიური ჯგუფის მეცნიერ–თანამშრომელი (ლენინგრადი); 1958 წლიდან თბილისის ექიმთა დახელოვნების (ამჟამად სამედიცინო აკადემია) ენდოკრინოლოგიის კათედრის გამგე; იყო ენდოკრინოლოგია–მეტაბიოლოგია–დიეტოლოგიის კლინიკის დირექტორი. ავტორია 120 სამეცნიერო ნაშრომის, დასტამბული აქვს 7 მონოგრაფია. მიღებული აქვს საქართველოს განათლების სამინისტროს რესპუბლიკური პრემია (1983). ექიმი–თერაპევტ–ენდოკრინოლოგი, მედიცინის მეცნიერებათა დოქტორი, პროფესორი.

საკანდიდატო დისერტაციის თემა - "უმაღლესი ნერვული სისტემის ფუნქციური დარღვევის გავლენა გულზე", დაიცვა 1953 წელს; სადოქტორო დისერტაციის თემა - "ენდოკრინული ჯირკვლების დაავადებანი", დაიცვა 1963 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.128; საქართველო: ენციკლოპედია: ტ. IV. -თბ., 2018. -გვ.217; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.324

• საქართველოს დიაბეტური ასოციაცია, პრეზიდენტი
• საქართველოს ენდოკრინოლოგთა სამეცნიერო საზოგადოება, თავმჯდომარე

• 1998 - ღირსების ორდენი
  მოსახლეობის ჯანმრთელობის დაცვაში შეტანილი დიდი წვლილისათვის, ჯანდაცვის სისტემის რეორიენტაციის პროცესში აქტიური მონაწილეობისა და ნაყოფიერი მოღვაწეობისათვის
• 1983 - საქართველოს განათლების სამინისტროს რესპუბლიკური პრემია
• 1980 - საქართველოს მეცნიერებათა დამსახურებული მოღვაწე