გიორგი დანელია

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტი 1946 წელს.

1947 წლიდან მუშაობს კ. ჩაჩავას სახელობის პერინატარული მედიცინის და სამეანო-გინეკოლოგიის სამეცნიერო-კვლევით ინსტიტუტში; 1950 წლიდან განაგებს ამავე ინსტიტუტის პათომორფოლოგიის განყოფილებას; 1960-1990წწ. პარალელურად ხელმძღვანელობდა ქ. თბილისის ცენტრალური პათომორფოლოგიის ლაბორატორიას; 1970-1985წწ. ასევე იყო საქართველოს ჯანდაცვის სამინისტროს მთავარი სპეციალისტი; შეისწავლის ნაყოფისა და ახალშობილის ცენტრალური ნერვული სისტემებისა და ფილტვების პათოლოგიას, ქალის ჰორმონულ პათოლოგიას და ორსულთა სიკვდილ მიზეზებს; არის სამეანო–გინეკოლოგიური მორფოლოგიის და პერინატალური პათოლოგიის ერთ–ერთი ფუძემდებელი საქართველოში; პათოლოგანატომი; 300-ზე მეტი სამეცნიერო შრომის ავტორი; მედიცინის მეცნიერებათა დოქტორი (1974), პროფესორი (1978).

წყარო: საქართველო: ენციკლოპედია: ტ.2. – თბ., 2012. – გვ.310;  წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.108; გიორგი დანელია : ხსოვნა // საქართველოს რესპუბლიკა. - თბილისი, 2013. - 23 იანვარი. - N13 (7140). - გვ.11 (dspace.nplg.gov.ge)

• სამედიცინო ბიოლოგიური აკადემია, ნამდვილი წევრი

• 1999 - ღირსების ორდენი
  მოსახლეობის ჯანმრთელობის დაცვაში შეტანილი პირადი დიდი წვლილისათვის, ჯანდაცვის სისტემის რეორიენტაციის პროცესში აქტიური მონაწილეობისათვისა და ნაყოფიერი მოღვაწეობისათვის
• 1990 - საქართველოს სახელმწიფო პრემია
• 1990 - საქართველოს მეცნიერებათა დამსახურებული მოღვაწე

• ადამიანის გენეტიკა (თანაავტორი). - თბილისი, თბილ. უნ-ტის გამ-ბა, 1994. - 464გვ.. - ISBN: 5-511-00579-7