კორნელი დანელია

დაბადების ადგილი: სოფელი ნაჯავახო, მარტვილის რაიონი.

დაამთავრა ქუთაისის სახელმწიფო პედაგოგიური ინსტიტუტის ფილოლოგიის ფაკულტეტი.

1958-1959წწ. მუშაობდა საქართველოს მეცნიერებათა აკადემიის ხელნაწერთა ინსტიტუტში; 1963 წლიდან სამეცნიერო პედაგოგიურ მოღვაწეობას ეწეოდა თბილისის სახელმწიფო უნივერსიტეტის ძველი ქართული ენის კათედრაზე; 1987 წლიდან იყო ამავე კათედრის გამგე; 1988 წლიდან თბილისის სახელმწიფო უნივერსიტეტის გილოლოგიური ფაკულტეტის დეკანი; მისი გამოკვლევები ეხება ძველი ქართული ენის, მეგრულ–ჭანურის, ქართული სალიტერატურო ენის ისტორიის, ბიბლიურ წიგნთა ქართული თარგმანების რაობის, გენეზისის, მათში უცხოენოვანი ელემენტების გამოვლენის საკითხებს; აღსანიშნავია მისი წვლილი ძველი ქართული ენის ძეგლების კრიტიკულად გამოცემასა და შესწავლაში; მოამზადა, წინასიტყვაობა და შენიშვნები დაურთო ი. ყიფშიძის თხზულებათა ერთტომეულს (1994); ტექსტოლოგი; ფილოლოგიურ მეცნიერებათა დოქტორი (1979), პროფესორი (1981).

წყარო: საქართველო: ენციკლოპედია: ტ.2. – თბ., 2012. – გვ.310; elibrary.sou.edu.ge

• ნარკვევები ქართული სამწერლობო ენის ისტორიიდან (ავტორი) // ტ. 1 . - თბილისი, 1998. - 540გვ.
• ქართული პალეოგრაფია (თანაავტორი). - თბილისი, ნეკერი, 1997. - 439გვ.
• იერემიას წინასწარმეტყველების ძველი ქართული ვერსიები და მათი მომდინარეობის საკითხი (ავტორი). - თბილისი, 1964. - 189გვ.