დავით ავალიანი

დაბადების ადგილი: სოფელი ქვემო ქვიტირი, წყალტუბოს რაიონი.

დაამთავრა ქუთაისის კლასიკური გიმნაზია.

იყო კულტურულ–საგანმანათლებლი და საქველმოქმედო ორგანიზაციების(ქართველთა შორის წერა–კითხვის  გამავრცელებელი საზოგადოება, საქართველოს საისტორიო და საეთნოგრაფიო საზოგადოება, წიგნის საგამომცემლო ამხანაგობა, ღარიბ სტუდენტთა დამხმარე საზოგადოება და სხვ.) აქტიური მონაწილე. 1906 წლიდან მუშაობდა ქუთაისის ქალაქის თვითმმართველობაში(იყო გამგეობის მდივანი), საადგილმამულო ბანკში და სხვ. 1897 წლიდან მისი წერილები, ნარკვევები, თარგმანები, თეატრალური რეცენზიები  სისტემატურად ქვეყნდებოდა ქართულ და რუსულ პრესაში("ივერია", "ცნობის ფურცელი", "სახალხო ფურცელი", "გრუზია", "ვოზროჟდენიე", "ჩერნომორსკი ვესტნიკი", "ს.–პეტერბურგსკიე ვედომოსტი") ფსევდონიმებით: "დონ–ვალიანი", "დამსწრე", "ამხანაგი", "ისარი", "კირაკოზა", "ОН", "Neuter". თარგმნა უცნობი ავტორის "ორი მხატვარი"(1912, თბილისი), მ. დიმიტრიევის "პაწია და ბუნგლია"(1902, 1926, ქუთაისი), ი. მავრის "ჩადრი", რ. თაგორის  საყმაწვილო მოთხრობები და სხვ. საზოგადო მოღვაწე.

  წყარო: საქართველო: ენციკლოპედია: ტ.I.–თბ., 1997.–გვ.58