გურამ ალექსიძე

დაბადების ადგილი: ქ. თელავი.

დაამთავრა საქართველოს სასოფლო–სამეურნეო ინსტიტუტი 1962 წელს.

1967–1973 წლებში მუშაობდა საქართველოს მებაღეობის, მევენახეობისა და მეღვინეობის სამეცნიერო–კვლევითი ინსტიტუტის უფროს მეცნიერ–თანამშრომლად. 1974–1983 წლებში და 1987 წლიდან იყო საქართველოს მცენარეთა დაცვის  ინსტიტუტის დირექტორის მოადგილე სამეცნიერო ნაწილში. 1983–1987 წლებში იყო აშშ–ს მცენარეთა დაცვის ექსპერტი. მან შეისწავლა საქართველოს პირობებში ხეხილისა და ვაზის მავნებლების ბიოეკოლოგია, მათი  რიცხობრიობის მარეგულირებლი  ფაქტორები და დაამუშავა მათ წინაარმდეგ ბრძოლის ინტეგრირებული ღონისძიებები. პირველად საქართველოში ხეხილის აგროცენოზებისათვის დაადგინა მავნე და სასარგებლო მწერების ურთიერთდამოკიდებულება მათემატიკური მოდელირებისა და ელექტრონულ–გამომთვლელი მანქანების გამოყენებით, გამოიკვლია პესტიციდების მოქმედება მავნე და სასარგებლო მწერებზე და შეიმუშავა ეკოლოგიური თვალსაზრისით მათი უსაფრთხოდ გამოყენების მეთოდები; არის 200-ზე მეტი სამეცნიერო ნაშრომის ავტორი, მათ შორის 17 მონოგრაფიისა და 10-ზე მეტი ბროშურის, 80-ზე მეტი ნაშრომი გამოქვეყნებულია საერთაშორისო ჟურნალებში; ბიოლოგიის მეცნიერებათა დოქტორი (1989), პროფესორი (1989), ენტომოლოგი.

წყარო: საქართველო: ენციკლოპედია: ტ.I.–თბ., 1997.–გვ.105; საქართველოს ეროვნული მეცნიერებათა აკადემიის უწყებები: science.org.ge; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.277

• საქართველოს სოფლის მეურნეობათა მეცნიერების აკადემია, პრეზიდენტი (2013-)
• საქართველოს სოფლის მეურნეობათა მეცნიერების აკადემია, წევრ–კორესპონდენტი (1991-)
• საქართველოს სოფლის მეურნეობათა მეცნიერების აკადემია, აკადემიკოსი (1992-)

• 1999 - ღირსების ორდენი
  საქართველოში სოფლის მეურნეობის მეცნიერების განვითარებაში შეტანილი პირადი წვლილის, ნაყოფიერი სამეცნიერო და პედაგოგიური მოღვაწეობისათვის

• ხეხილის მავნებლები და დაავადებები (თანაავტორი). - თბილისი, ლეგა, 2010. - 52გვ. + 12 ჩართ. ფ. ილ.
• მევენახე-აგრონომის ცნობარი მცენარეთა დაცვაში (ავტორი). - თბილისი, საქართველო, 1992. - 164გვ.
• ხეხილის მავნებლები და პესტიციდები (ავტორი). - თბილისი, საბჭ.საქართველო, 1979. - 68გვ.
• მავნე და სასარგებლო მწერები (ავტორი). - თბილისი, განათლება. - 129გვ.