ოთარ დუდაური

დაამთავრა თბილისის სახელმწიფო უნივერსიტეტი, გეოლოგის სპეციალობით 1955 წელს.

1955–1958წწ. ალექსანდრე ჯანელიძის სახელობის გეოლოგიური ინსტიტუტის ასპირანტი; 1958–1965წწ. ამავე ინსტიტუტის უმცროსი, 1965–1978წწ. უფროსი მეცნიერ-თანამშრომელი; 1978–2005წწ. იზოტოპური გეოქრონოლოგიის განყოფილების გამგე; 1995-2000წწ. ინსტიტუტის დირექტორის მოადგილე სამეცნიერო დარგში; 1988 წელს მისი ხელმძღვანელობით ჩატარდა საერთაშორისო გეოქრონოლოგიური ექსპედიცია აფახაზეთში, რომლის შედეგები გამოქვეყნდა ქ. იენაში (გერმანია) ჟურნალ "Chemie der Erde"-ში; მონაწილეობა აქვს მიღებული არაერთ ადგილობრივ და საერთაშორისო კონფერენციასა და სამეცნიერო პროექტში. მისი კვლევის ინტერესების სფეროა: საქართველოს ფანეროზოული ინტრუზიული კომპლექსების პეტროლოგია და იზოტოპური გეოქრონოლოგია. 2003 წლიდან ლექციებს კითხულობს საქართველოს ტექნიკურ უნივერსიტეტში; 2009 წლიდან ალექსანდრე ჯანელიძის სახელობის გეოლოგიის ინსტიტუტის მთავარი მეცნიერ-თანამშრომელი და ინსტიტუტის შრომების რედკოლეგიის წევრი.

სადოქტორო დისერტაციის თემა - "საქართველოს მეზოზოური ინტრუზიული კომპლექსების პეტროლოგია და იზოტოპური გეოქრონოლოგია", დაიცვა 2003 წელს.

წყარო: საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.145; თბილისის სახელმწიფო უნივერსიტეტი: tsu.ge

• სტუდენტთა საველე-გეოლოგიური პრაქტიკის მეგზური : თბილისი - საქართველოს სამხედრო გზა - ყაზბეგის მუნიციპალიტეტი (თანაავტორი). - თბილისი, ტექნ. უნ-ტი, 2012. - 60გვ.
• ბოლნისის რაიონის სუბვულკანური მცირე ინტრუზივების პეტროგრაფია (ავტორი). - თბილისი, მეცნიერება, 1965. - 106გვ.