თამაზ კერესელიძე

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1948 წელს.

1948–1949წწ. იყო თბილისის ბაქტერიოფაგის ინსტიტუტის ექიმი–მიკრობიოლოგი; 1949–1952წწ. თბილისის სახელმწიფო სამედიცინო ინსტიტუტის ასპირანტი; 1952–1960წწ. ბაქტერიოფაგის ინსტიტუტის ლაბორატორიის გამგე; 1960–1974წწ. თბილისის სახელმწიფო სამედიცინო ინსტიტუტის მიკრობიოლოგიის კათედრის დოცენტი; 1972-1974წწ. რესპუბლიკის მთავარი ეპიდემიოლოგი; 1974–1996წწ. კათედრის გამგე; 1964–1970წწ. ჯანდაცვის მსოფლიო ორგანიზაციის თანამშრომელი სამხრეთ–აღმოსავლეთ რეგიონში, ინდოეთში; 1984-1997წწ. შტაბბინაში შვეიცარიაში; 1974-1977წწ. განაგებდა თბილისის სახელმწიფო სამედიცინო ინსტიტუტის ცენტრალური სამეცნიერო-კვლევითი ლაბორატორიისა და ვირუსოლოგიის სექტორს; 1992-1998წწ. იყო ჯანმრთელობის მსოფლიო ორგანიზაციის კოორდინატორი საქართველოში; ავტორია 101 სამეცნიერო ნაშრომის მიკრობიოლოგიისა და ეპიდემიოლოგიის საკითხებზე, რომელთაგან 1 სახელმღვანელოა ("ეპიდემიოოგია" თანაავტორი., 1981) და 3 გამოქვეყნებული მონოგრაფია. მიღებული ჰქონდა ახლადშექმნილი ორდენი "ბიფურკაციული ნემსი" და ინდოეთის ჯანდაცვის მინისტრის სერთიფიკატით (1976). 1992 წლიდან ჯანდაცვის მსოფლიო ორგანიზაციის კოორდინატორი, მიკრობიოლოგი, მედიცინის მეცნიერებათა დოქტორი.

საკანდიდატო დისერტაციის თემა - "ანტისხეულთა გამომუშავებისა და რეპროდუქციის საკითხისათვის", დაიცვა 1958 წელს; სადოქტორო დისერტაცია - "ქოლერა–ეპიდემიოლოგია, პროფილაქტიკა და კონტროლი", დაიცვა 1972 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.147; წიგნი ღირსებისა: ტ. 2/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.152; საქართველოს სამედიცინო კალენდარი, 2006 წელი / ჯუმბერ ქორჩილავა .-თბ.,2006.-გვ.555-558

• ანტიბიოტიკების საზოგადოება (აშშ)|, ექსპერტი და წევრი
• ინგლისის ჰოსპ. ინფექციის საზოგადოება, ექსპერტი და წევრი
• მედიცინის მეცნიერებათა აკადემია, წევრი
• საქართველოს ჯანდაცვის სამინისტროს სამედიცინო ინფორმაციისა და სტატისტიკის ცენტრი, ხელმძღვანელი (1995-1998)
• ჯანმრთელობის დაცვის მსოფლიო ორგანიზაცია (ჟენევა), მთავარი სპეციალისტი და წევრი (1979-1984)

• 1997 - ღირსების ორდენი
  ჯანდაცვის საქმეში შეტანილი დიდი წვლილისათვის, ჯანდაცვის მსოფლიო ორგანიზაციის პროგრამების "ჯანმრთელობა ყველასათვის"საქართველოში დანერგვის ხელმძღვანელობისა და ნაყოფიერი მოღვაწეობისათვის
• საპატიო ნიშნის მედალი