რაჩია დემირხანოვი

დაბადების ადგილი: ქ. თბილისი.

დაამთავრა თბილისის ტრანსპორტის ინჟინერთა ინსტიტუტი 1938 წელს.

1938-1942წწ. მუშაობდა ბაქოს ნავთობის სამეცნიერო–კვლევით ინსტიტუტსა და 1942-1946წწ. თბილისის ამიერკავკასიის საინჟინრო–სამშენებლო ინსტიტუტში; 1946 წელს მივლინებულ იქმნა სოხუმის "ობიექტზე" (1956 წლიდან სოხუმის ფიზიკა–ტექნიკის ინსტიტუტი); იყო მნიშვნელოვანი შრომების ავტორი პლაზმისა და ამჩქარებლების ფიზიკაში; დაამუშავა პლაზმური გაწმენდისა და რექტიფიკაციის მეთოდები, რომლებმაც საფუძველი ჩაუყარა ზესუფთა აირების მიღების ეფექტურ ტექნოლოგიებს ბირთვული რეაქტორებისათვის; მართვადი თერმობირთვული რეაქციის პრობლემის კვლევის პროცესში პლაზმაში დამატებითი ენერგიის შესაყვანად პირველმა გამოიყენა მაღალსიხშირული ელექტრომაგნიტული ველი, რომლის შედეგად დანადგარზე ТОКАМАК Р–05 მიღებულ იქნა იმ დროისათვის (1984) რეკორდული 50–მილიონგრადუსიანი D_D პლაზმა 0,1 წმ განმავლობაში; ფიზიკა–მათემატიკის მეცნიერებათა დოქტორი (1964), პროფესორი (1968).

წყარო: საქართველო: ენციკლოპედია: ტ.2. – თბ., 2012. – გვ.376

• 1951 - სსრკ სახელმწიფო პრემია, ურანის იზოტოპების განცალკევების ელექტრომაგნიტული მეთოდის დამუშავებისათვის (სხვებთან ერთად)